O Campionato Xunta de Galicia de Campo a través disputado por quinta vez no fermoso circuito de A Veronza abriu o 2022 no atletismo galego. Na proba disputada en Ribadavia, Esther Navarrete do F.C. Barcelona proclamouse gañadora galega absoluta do Campionato.
Na categoría masculina, Antonio Serrat do Real Club Celta foi o campión.
Baixo un excelente día a nivel climatolóxico para a disputa do campionato de campo a través, a internacional viguesa do club blaugrana, lograba unha traballada victoria, mantendo un pulso coa lucense do Lucus Laura Santos quen finalmente lograba o subcampionato a vinte catro segundos da vencedora.
Este é o terceiro campionato de Navarrete logo das edicións de 2015 en Monforte e 2017 en Ribadavia. María Cedrón do ADAS Proinor, completaba o podio femenino nunha pelexada e traballada carreira.
Nos homes Antonio Serrat, como xa fixera no ano 2019 en As Pontes, conseguía o título galego no que supuxo a súa estrea co Real Club Celta. O vigués quitaba na línea de meta oito segundos ao segundo clasificado, o lucense do Lucus Caixa Rural Esteban Iglesia e vinte nove segundos a un incombustible Manuel Hurtado da Sociedad Gimnástica quen novamente e unha vez máis, logra un novo metal que engadir ao seu dilatado palmarés.
En ambas carreiras de campo a través cabe salientar as retiradas, sen consecuencias físicas, tanto de El Medhi El Naboaui como de Uxía Pérez quenes cos seus abandonos axustaban máis a loita por eses postos de medallas.
Cedrón, campioa sub23
No resto de categorías tanto María Cedrón do ADAS Proinor como Juan Rejas do Atletismo Narón lograban os títulos autonómicos na categoría Sub23, sendo pola súa banda as atletas Antía Castro do Ourense Atletismo e Carlos López do C.D. Surco Lucena quenes se impuxeron na categoría Sub20.
I Cross Vila de Ribadavia
Segundo apuntan desde a Federación Galega de Atletismo, con anterioridade á disputa do Campionato de Galicia de campo a través e abrindo a xornada, desenvolvíase a primeira edición do Cross Vila de Ribadavia para as categorías Sub18, Sub16, Sub14 e Populares absolutos/as cunha nutrida presenza de atletas participantes.
Na proba sub14 de 1,5 km, a atleta mellor posicionada foi Vera Gómez, do Club Deportivo La Purísima, quen rematou en sexta posición. Na de 3 km, Paula Vázquez, oitava, foi a mellor corredora feminina.
Dentro da categoría sub18 e carreira popular, a campioa feminina foi Leyla Villar, do Club Ourense Atletismo.
Esta edición, que ven con intención de ter continuidade, pretende aproveitar as enormes posibilidades que ofrece o fabuloso circuito de A Veronza para as probas de Campo a Través.