As viguesas do Náutico venceron na casa do CW Santiago. Impuxéronse as da capital galega por un 4 a 11. Carmen Carrera foi a máis destacada do partido. A xogadora do Náutico de Vigo fixo un total de cinco tantos. Das santiaguesas, destaca Amanda Prego con dous.
O xoven plantel vigués comezou o partido de xeito irresistible, con parciais de 0 a 3 e de 1 a 3 nos dous primeiros cuartos. Chegaron a un definitivo 4 a 11 con dous derredeiros e un tanto igualados de 2 a 2 e 1 a 3.
Por parte das viguesas Carmen Carrera foi a máxima goleadora con cinco tantos. Sara Pérez e África González do Náutico de Vigo marcaron por partido dobre. Jennifer Puga e Lucía Cruz bateron as santiaguesas nunha ocasión cada unha. Polo CW Santiago marcaron Amanda Prego dous goles e un gol Laura Dorado e Cristina Cobas.
O vindeiro domingo terá lugar o definitivo e terceiro encontro entre ambos equipos. Para esa cita xa se coñecerá o rival que se enfrontará ao CW Pontevedra na final do play off polo título da Liga.
Nova xornada de Tecnificación Deportivo de Pontevedra
As xogadoras de waterpolo de toda Galicia volvéronse a xuntar para realizar unha intensa xornada tanto pola mañá como pola tarde no Centro Galego de Tecnificación Deportiva de Pontevedra. Co gallo do 8 de marzo, aproveitaron a oportunidade para realzar o mérito que teñen as deportistas.
Lembraron a todas aquelas que iniciaron hai uns anos a actividade do waterpolo feminino na nosa comunidade autónoma. O deporte ten que ser o vehículo de transmisión de valores como respeto, igualdade, compañerismo, entre outros. Avogan por seguir nesta liña e a unificación e irmandade de todas e todos os integrantes do waterpolo galego.
Quinta xornada de tecnificación de natación
O pasado venres (6 de marzo) a piscina do CGTD de Pontevedra acolleu a quinta xornada de tecnificación de natación cunha sesión de adestramento do grupo especial de seguimento (GES). Nesta xornada, os integrantes do grupo puideron compartir un intre ao comezo da sesión cunhas das nosas nadadoras olímpicas, Bea Gómez, quen lles explicou e comentou con elles as súas experiencias ata alcanzar o nivel internacional.
