Dicir Natalia Soage é dicir toda unha vida dedicada a un club e a unha ilusión, a de xogar ao baloncesto dende hai 29 anos no Club Baloncesto Arxil, procedente do seu Figueirido natal e o seu colexio de Salcedo.
A pivote pasou por todas as categorías do club e estivo en todas as fases de ascenso desde que se conseguise o ascenso á 1ª División nacional en Santander. Tamén xogou a fase final de ascenso a Liga Feminina en Hondarribia ou os dous playoff de promoción desde a Liga Feminina 2 ante o Hondarribia e o Nacex.
Natalia Soage é un referente para todas as xogadoras do CB Arxil
A ilusión que ten faille unha moza veterana, que despois de reunirse na noite de onte coa directiva decidiu aceptar unha tempada máis o reto da aventura que se chama Arxil Mafari Café. Lino Vázquez, directivo do club, afirmou que “é unha satisfacción a nivel de corpo técnico en xeral, e miña en particular, as dúas renovacións, tanto a de Xara como a de Natalia Soage, xa que son buques insignia dentro da casa e as xogadoras de base son o espello ao que se miran”.
Ademais, estadounidense Heather Forster chegou onte a Pontevedra despois de saír as 22.00 horas do luns de EE. UU. Xa participou no adestramento de pola tarde onde coñeceu as súas novas compañeiras. Coa súa chegada, Maite e Magin terán a todo o plantel á súa disposición para preparar o comezo da tempada o sábado 3 de outubro fronte ao Baxi Ferrol.
A pivote de 1,88 m e 24 anos, renovou o seu compromiso co equipo e continuará como unha das líderes do proxecto pontevedrés. Capital nesta tempada na Liga Feminina 2, foi na competición de prata do baloncesto feminino na que Forster desenvolveu un xogo moi constante, promediando 12,1 puntos, 9 rebotes, 1 asistencias e 1,5 recuperacións por partido. Uns números notables que a converteron na quinta mellor reboteadora de toda a liga, ademais de ser úndencima en mellor valoración, con 15,5 de media.