A deportista Natalia Sandá (21/10/1997, A Coruña) renova co 5 Coruña Fútbol Sala feminino. A xogadora, tras dúas tempadas na entidade herculina, segue coas mesmas ganas de seguir aprendendo e de seguir gozando do fútbol sala, é por iso que cumprirá a súa terceira tempada no club.
Natalia Sandá, moi valorada polo corpo técnico, decidiu aceptar a continuidade ofrecida polo vmesmo. Ela explicaba así o motivo da súa renovación polo 5 Coruña Fútbol Sala: “O 50% é pola nosa adestradora, Fani, que foi capaz de facer de nós o que nin nós mesmas sabiamos que podiamos facer. E o outro 50% polas miñas compañeiras de equipo. Creo que o grupo que temos, non só dentro, se non tamén fóra da pista, gana partidos. Estou segura de que a confianza que nos achegamos entre todas e a forma que temos de complementarnos foi a clave do éxito este ano”.
Sobre as expectativas que lle xera a tempada 2021/2022, Natalia Sandá teno moi claro: “Creo que todas somos conscientes de que a tempada que nos espera vai ser unha tempada dura e difícil, pero creo que se nos mantemos xuntas podemos conseguir o que nos propoñamos, que a nivel futbolístico é manter a categoría, e a nivel persoal seguir gozando do fútbol sala xuntas outra tempada máis”.
Na campaña 2021-22 o 5 Coruña Fútbol Sala xogará na Segunda División Feminina da RFEF, categoría á que ascendía o curso pasado.
