O dúatlon galego ten nova campioa en categoría absoluta. Natalia Castro, da AD Náutico de Narón, foi a mellor clasificada na proba galega que tivo lugar en Boiro.
En total participaron 44 deportistas de varios equipos galegos como Jealsa Triatlon Boiro, o Triatlon Inforhouse Santiago, Cidade de Lugo Fluvial, Club Olímpico de Vedra, ClubTriatlon Composetla, AD Tri-Penta Terras de Lugo, A. Polideportiva San Ramón de Vilalba, Atrogal TRI 498, Club Triatlon Poio entre outros.
A primeira clasificada foi Natalia Castro, cunha marca de 00:51:25.142, moi por diante da prata. Sabela Pensado, do Triatlon Boiro, quedou en segunda posición cun tempo de 0:55:52.858.
Na posición de bronce quedou Andrea Trigo, tamén da AD Náutico de Narón, cun tempo de 00:56:53.751. Porén, a súa marca non computa para o campionato galego, polo que a terceira posición do autonómico foi para Ana García Peña, do Triatlon Inforhouse Santiago, chegando a meta tras 00:56:53.751.
