Catro alumnas, doentes de cancro que participan na actividade de natación sincronizada do Sporting Club Casino da Coruña levaron a cabo unha exhibición nas instalacións da entidade na Zapateira en colaboración coa Asociación Española Contra o Cancro na Coruña.
Chámanse Manuela, Pilar P., Alejandra e Pilar C. e son doentes de cancro e, ademais, alumnas de natación sincronizada da Asociación Española Contra o Cancro na Coruña. Desde fai nove meses, acoden regularmente dúas veces á semana para realizar esta actividade física que, ademais dos beneficios físicos asociados, busca fomentar uns hábitos de vida saudables e xerar un espazo común para as pacientes no que compartir vivencias e experiencias.
“Cada vez existen máis evidencia científica de que a actividade deportiva de intensidade moderada pode previr o cancro e as súas posibles recaídas”, explica Manuel Aguilar, presidente da Asociación Española Contra o Cancro na Coruña, “por iso desde a Asociación, organizamos este tipo de actividades deportivas gratuítas para pacientes, familiares e poboación xeral tamén”.
As pacientes estiveron acompañadas nesta xornada por catro mozos nadadores, as súas adestradoras, Rosana Araujo e Eva Nieto do Sporting Club Casino, así como por Antía Arias, adestradora de alto rendemento de natación sincronizada e paciente oncolóxica.
