Chámanse Suné Swart, Dynn Malama Leaupepe e Jenna Allen. Moitas de vós coñecédelas de sobra, pero por se non sodes de baloncesto presentámosvolas. As tres son xogadoras do BAXI Ferrol, un conxunto que esta tempada marcha imparable na Liga Feminina 2. Este trío de deportistas comparte vivenda e amizade. Estas festas de Nadal as cousas da COVID-19 impedíronlles regresar aos seus respectivos fogares. Pero non perderon o espírito festivo.
Elas decidiron poñerlle ao mal tempo boa cara e aproveitar a oportunidade que a vida lles brindaba para vivir unhas festas diferentes. Celebran o Nadal xuntas e aproveitando que é o único momento da tempada no que se poden permitir o luxo de darlle ao sucre e cometer algún que outro exceso alimenticio. Así, probaron o turrón saboreando o Nadal galego e español. É o seu primeiro Nadal en Galicia. Suné Swart é de Sudáfrica, Dynn Leaupepe ten ascendencia de Samoa per vén de California e Jenna Allen é de Indiana.
Para compartir a súa alegría gravaron un vídeo no que recorren a cidade departamental e no que nos amosan o seu día a día de convivencia nestas festas. Un día a día no que se inclúen os coidados a Jenna Allen que ven de sufrir unha grave lesión no tendón de Aquiles que a obrigou a pasar por quirófono e da que aínda está convalecente. De feito no vídeo véselle con muletas e coa perna coberta pola vendaxe e colocada en alto para, presumimos, tela en repouso.
Jenna Allen supera con éxito unha operación no tendón de Aquiles
As tres cantan, sorrín e comparten momento para alembranza do seu paso por Ferrol. Para sempre quedará nos seus corazóns e no da afección ferrolá esa letra que entonan e que di: “Navidad con mis amigas. Navidad en Ferrol”.
De fondo, unha televisión na que a imaxe das lapas dunha chimenea quencen virtualmente dun xeito simbólico o piso que comparten.
A iluminación festiva do seu fogar e da cidade pon o colorido a un vídeo que no club teñen cualificado con acerto un “marabilloso agasallo de Nadal das xogadoras do BAXI Ferrol Suné Swart, Dynn Malama Leaupepe e Jenna Allen para as súas familias e para todos nós. Compañeiras de piso e amigas, Suné, Dynn e Jenna protagonizan este vídeo (ademais de cantar e tocar o ukelele) no que amosan como están a pasando as súas navidades en Ferrol”.
Felicitación moi internacional do primeiro equipo
Sobre a cancha de xogo na que este ano están a rachar todas as estatísticas posibles, o grupo que adestra Lino López gravou un vídeo no que con chiscadelas ás súas orixes as xogadoras do BAXI Ferrol compartiron os seus mellores desexos coa afección.
Así, as xogadoras con procedencia de lugares tan diversos como Arxentina, Finlandia, Sudáfrica, Estados Unidos, Canarias ou Valencia trasladaron unha mensaxe de responsabilidade e alegría as seareiras do Universitario Ferrol. Entra as frases quedámonos con: “da igual o idioma, queremos apertas”.
O vídeo de felicitación remata con todo o grupo dicindo ao unísono: “O BAXI Ferrol deséxavos un próximo aninovo e agarámosvos no pavillón”
🎄Aunque estas Navidades no empiezan como nos hubiera gustado, en medio de una pandemia y con una de nuestras jugadoras de baja por el resto de la temporada, desde el BAXI Ferrol @UniFerrol os deseamos Felices Fiestas. pic.twitter.com/MYJj2qUl5U
— Baxi Ferrol (@UniFerrol) December 22, 2020
A base do BAXI Ferrol envía folgos á Jenna Allen e felicítalle o Nadal
A canteira do BAXI Ferrol tamén tivo unha mensaxe de ánimo e esperanza para a lesionada Jenna Allen á que a cativada do club enviaba todas esta enerxía positiva a través da canle de youtube do Universitario Ferrol. Ánimo para recuperarse da lesión e desexos de bo Nadal.
