A canle propia do club de fútbol sala da Mariña xa é unha realidade. Burela FS TV arranca esta semana cunha maratón laranxa o sábado, que abrangue partidos, previas e post partidos. Nada menos que sete horas de futsal en estado puro.
Con motivo da coincidencia dos partidos dos dous primeiros equipos (feminino e masculino) en casa, o club laranxa fará unha programación especial de sete horas en directo a través do seu novo canle.
Desta forma, o sábado, 21 de novembro, os afeccionados poderán desfrutar de contidos de fútbol sala desde as 16:10 horas. Abrirán coa previa do partido do equipo feminino , que xoga diante do AD Sala Zaragoza ás 16:30 horas. Despois do encontro, o club retransmitirá un post partido con entrevistas ás protagonistas de entre 30 e 40 minutos.
Despois do contido das Guerreiras Laranxas, comezará un torneo de videoxogos en directo. Nel, enfrontaránse xogadores e xogadoras da canteira laranxa que servirá de plataforma para dar a coñecer ás futuras estrelas do Burela.
Xa ás 20:10 horas, terá lugar a previa do encontro masculino, que comeza ás 20:30 horas. De novo, despois do encontro, retransmitiránse entrevistas aos xogadores. A conexión rematará sobre as 23:00 horas, despois de sete intensas horas de emisión.
Ademais, realizarase un sorteo entre as seguidoras e seguidores, que deberán participar cun hashtag en Twitter durante os partidos. Os detalles desvelaránse ao longo da xornada.
#TardeLaranxa🍊 ¡Solo quedan 2⃣ días!
💥 Estrenaremos Burela FS TV 👉 Nuestro propio sistema de emisión en directo 📹
⏰ Más de 6 horas en directo
⚽ Doble partido ➕ previas y post
🎮 Torneo de videojuegos
🎁 ¡¡Y UN SORTEO!!#Futsal #SomosFutsal #RFEFhttps://t.co/29dA2v7HCW— Pescados Rubén Burela FS (@burelafs) November 19, 2020
Unha nova web para un novo Burela
As laranxas non deixan de actualizarse e co lanzamento do Burela FS TV o equipo actualizou a súa páxina web. Agora, burelafs.org moverase cunha tecnoloxía coa que buscan ser referentes no ámbito tecnolóxico do fútbol sala español.
Os servidores que sosterán o sistema de emisión en directo estarán xestionados directamente polo club, permitindo así un maior control e autonomía sobre os contidos emitidos do equipo e liberdade de cara ao futuro.
Desde a entidade aclaran que isto non significa que deixen de emitir contidos por outras canles como Twitch ou Youtube e esperan contar con todo o apoio da familia laranxa nesta nova etapa.
