A fase previa de Copa de Galicia enfrontou esta fin de semana ao Maristas Coruña de Esther Muñiz e ao Mariscos Antón AD Cortegada. As coruñesas acadaron a vitoria nun partido que estivo tan igualado que tivo que decidirse na prórroga e cunha canastra transformada case, case no último instante de partido (99-97).
Ao final dos catro parciais chegouse cun 85-85 que motivou a prórroga. E puidose ir a unha segunda de non ser pola canastra do último fichaxe coruñés, Amy Griffin, sobre a bucina.
O conxunto que adestra Javi Nogueira tivo na norteamericana Lauren Loven unha das xogadoras máis determinates anotando ata sete triples. E iso que levaba en Galicia apenas dous xornadas.
A competición continúa. Nesta fase previa da Copa de Galicia o Mariscos Antón AD Cortegada visitará ao CB Arxil en Pontevedra o mércores (19:45h) e o sábado recibe en Fontecarmoa ao Rosalía (20:00h). No caso das coruñesas o xoves visitarán ao Rosalía en Compostela.
De cara ao acceso á seguinte fase, pasa o primeiro de grupo, mentres que o conxunto que resulte segundo clasificado xogará unha eliminatoria.
Deixámosvos por aquí a transmisión do Maristas vs Cortegada en Twitch
Copa Galicia @FGB_Baloncesto
Maristas Coruña – @ADCORTEGADA
En directo a las 19.00 en nuestro canal https://t.co/aZwU4w5tfW@coruna_deportes @SomosABANCA @Deportegalego @CompeticionFEB @FundEmalcsa #Xacobeo21_22— Club Maristas Coruña (@MaristasCoruna) September 5, 2021
