A figura da lebre regresa á Coruña21 para lle axudar ao resto de persoas participantes a lograr as súas marcas sobre o asfalto herculino na 15ª edición da media maratón C21 de 2023. A carreira terá lugar o vindeiro 12 de febreiro.
Co obxectivo de lles axudar ás persoas participantes na proba para lograr as marcas que ambicionan na C21 haberá seis ritmos diferentes de carreira. O máis alto será de aproximadamente 3:45 por quilómetro para completar o medio maratón en 1 h 20.
Haberá lebres tamén para ir a 4 minutos por quilómetro (1h 24), a 4:15 (1h 30), a 4:30 (1h 35), a 4:45 (1h 40), a 4:59 (1h 45) e a 5:40 (2h).
Clubs herculinos cederán ‘lebres’ á C21
Catro clubs de atletismo colaborarán coa achega de lebres para a carreira. Son Club Atletismo Narón, Club Hércules Termaria, Nosportlimit, Coruña Comarca e La Mochila del Deporte, que prestarán os seus atletas para que Coruña21 poida contar con este servizo.
A firma coruñesa The Cobardes incorpórase como colaborador ás carreiras da cidade e encargarase de equipar as lebres coa súa roupa técnica para as carreiras.
Coruña21 aínda ten as inscricións abertas. O domingo 29 de xaneiro conclúe o primeiro prazo ordinario cunha cota de 18 euros para participar na media maratón. Máis de mil atletas apuntáronse xa ás carreiras que se realizarán o 12 de febreiro de 2023.
