Despois da trepidante fin de semana pasada no que tivemos, nada máis e nada menos, que tres duelos de conxuntos galegos, esta xornada preséntase como unha posibilidade de confirmación de boas sensacións e de ir afinando para collerlle o ritmo á competición.
A fin de semana pasada non houbo sorpresas dentro dos enfrontamentos autonómicos e o Baxi Ferrol, o CB Arxil e o Celta Zorka Recalvi impuxéronse ao A.D. Cortegada, Maristas Coruña e Ulla Oil Rosalía, respectivamente.
Aínda así, a LF2 non fixo máis que comezar e esta fin de semana agasállanos con outros dous enfrontamentos entre equipos da nosa comunidade. Así o Arxil recibirá ao Celta Zorka e o Cortegada batirase nun competitivo encontro na súa casa contra o Maristas.
GDKO IBAIZABAL – ULLA OIL ROSALÍA
As santiaguesas, debutantes na categoría, tratarán de buscar a súa primeira vitoria logo de caer de forma contundente fronte as súas veciñas do Celta Zorka Recalvi. Visitarán a un dos rivais fortes da categoría o GDKO Ibaizabal que gañou no seu primer enfrontamento a o Ausarta Barakaldo.
Sábado, 17/10/2020 19:00h
ÁRBITROS: Imanol Diz Felipe e Álvaro López Luis
LUGAR: Polideportivo Urreta – Galdakao (Vizcaya)
Liga Femenina 2 ⛹️♀️ #LF2
🏀 GDKO IBAIZABAL – ULLA OIL ROSALIA
🔢 3ª jornada
📅 Sábado 17/10
🕖 19:00
📍Polideportivo Urreta (Galdakao – Vizcaya)#vamosRosahttps://t.co/Q0EVDpli08— Baloncesto FEDESA (@FundacionFEDESA) October 16, 2020
C.B. ARXIL – CELTA ZORKA RECALVI
Esta terceira xornada, é tempo de derbi Pontevedrés. Tras impoñerse a pasada xornada ao Maristas Coruña, as viguesas reciben na súa a casa ao Celta Zorka nun partido que se vaticina moi esixente. As xogadoras do Arxil trataran de mostrar a súa mellor cara ante o Celta que ven de perder en partido de Copa Galicia ante o Baxi Ferrol e buscará resarcirse e aumentar o ritmo competitivo.
No Celta son dudas para este enfrontamento Lucía Fontela e Ainhoa Lacorzana, con diversas molestias.
A adestradora do CB Arxil, Maite Méndez, destaca do Celta Zorka Recalvi que “creo que teñen un plantel máis compensado que o ano anterior e con xogadoras bastante resolutivas”.
A técnico das verdes engadiu que “nós imos continuar co guión que temos marcado na nosa preparación e trataremos de seguir dando pasos á fronte e tentar levarnos a vitoria”. Outro equipo galego que, polo que se infire das verbas da súa preparadora, tamén está á procura de acadar pouco a pouco o seu ritmo óptimo de xogo na cancha.
O partido terá aforo limitado a 60 persoas pero poderá seguirse a través da canle da FEB: www.canalfeb.tv
Sábado, 17/10/2020 19:30h
ÁRBITROS: Diego Fernández Requejo e Martín Trasancos Blanco
LUGAR: Pavillón do C.G.T.D. (ESTADIO DA XUVENTUDE) – Pontevedra (Pontevedra)
🚨Volve o baloncesto o @cgtd_pontevedra 🏀
📆Sábado 17/10/2020
⏰19:30h
🆚@CeltabaloncestoPD: por mor da situación sanitaria actual continuaremos cunha entrada reducidad no pavillón.#FAMILIAVERDE#estaestugrada#LF2 pic.twitter.com/CI5DIn4xvk
— CB Arxil (@ArxilCb) October 14, 2020
A.D. CORTEGADA – MARISTAS CORUÑA
Interesante duelo galego no que as forzas poden estar moi igualadas na búsqueda da primeira vitoria da tempada. O Cortegada ven de perder por un abultado marcador fronte o potente Baxi Ferrol e buscarán competir ao seu máximo para demostrar que son un equipo moi a ter en conta nesta Liga.
Por outra banda o recén ascendido Club Maristas Coruña non estivo moi lonxe de dar a sorpresa ante o Arxil na pasada xornada e chegan a Vilagarcía sen ningunha presión.
O partido poderá seguirse a través da canle da FEB: www.canalfeb.tv
Sábado, 17/10/2020 19:30h
ÁRBITROS: Omar González Fernández e Daniel López Illán
LUGAR: Pavillón Municipal Fontecarmoa – Vilagarcía de Arousa (Pontevedra)
EXTREMADURA MIRALVALLE PLASENCIA – BAXI FERROL
As xogadoras dirixidas por Lino López visitan terras extremeñas tras pechar o pasado luns a clasificación para a final da Copa Galicia ante o Celta Zorka e vencer cómodamente na pasada xornada ao Cortegada. O equipo ferrolán non poderá contar coa xogadora americana Jenna Allen. A deportista lesionouse e non está aínda recuperada da escordadura de nocello que se produciu no encontro do pasado luns e que lle fará perder ritmo de xogo.
En fronte as da cidade departamental terán a unhas rivais moi ambiciosas que competiron ata os últimos minutos en Pamplona fai sete días e que contan coa MVP da primeira xornada, a americana Princess Aghayere.
O técnico do cadro ferrolán, Lino López, ten moi claro que “aínda que facemos scouting do rival, queremos preocuparnos máis de nós e seguir crecendo a través de moita intensidade defensiva e seguindo a nosa liña de traballo”.
Sábado, 17/10/2020 18:30h
ÁRBITROS: Raúl Auilera Mellado e Carlos Grande Claver
LUGAR: Pavillón da Cidade Deportiva de Plasencia – Plasencia (Cáceres)
