- A xogadora americana Myah Selland comprometeuse co BAXI Ferrol para xogar a próxima tempada ás ordes de Lino López.
- Este verán participou no Training camp de Minnesota Lynx sendo cortada no último momento, antes do inicio da WNBA.
Myah Selland é unha xogadora polivalente que tanto pode xogar interior como exterior e que vivirá a súa primeira experiencia profesional en España.
O adestrador do equipo ferrolán, Lino López, destaca sobre a nova xogadora do cadro departamental que “Myah Selland foi líder na súa universidade de South Dakota St e é unha xogadora moi polivalente en ataque, con moita capacidade para xerar en 1×1 e ao poste, e as súas lecturas e capacidade para pasar fai mellores ás súas compañeiras. En defensa, a súa polivalencia permítelle defender a exteriores e interiores, igual que a maioría das xogadoras do equipo”.
Lino López cre que Myah Selland vaise adaptar “moi pronto”
Tal e como apunta Lino López sobre Selland, “esta será a súa primeira experiencia en LF Endesa, pero seguro que a súa personalidade, profesionalidade e a súa ambición faranlle adaptarse moi pronto ao equipo e á liga”.
Desta forma, coa fichaxe de Selland o BAXI Ferrol xa dispón de dez xogadoras tras anunciar a continuidade de Claudia Soriano, Jessica Fequiere, Marta Gómez, Marianne Kalin e Ángela Mataix, así como as fichaxes de Gala Mestres, Rachel Howard, Anniina Aijanen e Julie Pospisilova.
Campaña de abonados do BAXI Ferrol
Ademais, segue aberta a campaña de abonados para poder renovar ou darse de alta. Polo momento, renovaron o seu abono 561 persoas, mentres que se produciron 62 altas, segundo informa o club ferrolá.
“Todas as persoas interesadas poden pasarse pola Taberna Arauxa, no Cantón de Molins 6, de martes a domingo de 12.00 a 15.00 e de 18.00 a 22.00 horas. Tamén se poden facer as xestións a través do correo electrónico abonadosuniferrol@gmail.com”, explican desde o BAXI Ferrol.
Myah Selland, nueva jugadora del BAXI Ferrol 2023-24.
La polivalente jugadora de South Dakota apuntala el proyecto ferrolano, tras una exitosa etapa universitaria.
Con muchas ganas de disfrutar juntos @mypy44.
+info: https://t.co/kwZeSGkMwX#ContamosContigo pic.twitter.com/HZeMLfYLuT
— Baxi Ferrol (@UniFerrol) June 13, 2023
