Os dous equipos ferrolás da categoría de prata do fútbol sala teñen esta fin de semana duros enfrontamentos. O sábado ás 18:00 horas no pavillón de Esteiro o Valdetires recibe ao Ribamontán mentres que o domingo, ás 12:15 a Fervenza estará en terras cántabras para xogar co Muslera.
Gañar para afianzar o posto de bronce
O Valdetires quere seguir mantendo o terceiro posto da táboa e iso pasa por gañar na casa ante o Ribamontán. As cántabras suman nove puntos e están na zona perigosa da clasificación.
Diego Pardo, adestrador do Valdetires: “Espero un partido disputado ante un rival que non poñerá as cousas fáciles. Desde o principio teremos que levar o peso do partido e plasmar a nosa idea de xogo no noso feudo”.
A pesar diso, o adestrador das galegas, Diego Pardo sabe da dificultade do partido de mañá: “Espero un partido disputado ante un rival que non poñerá as cousas fáciles. Desde o principio teremos que levar o peso do partido e plasmar a nosa idea de xogo no noso feudo. Acabar a primeira volta cos tres puntos sería moi importante”.
“Fomos recuperando a intensidade nos adestramentos. Esta semana completamos as tres sesión a un bo ritmo e as mozas están cunha gran predisposición de traballo. Aos poucos imos recuperando o ritmo de competición tras o parón do Nadal”, engadiu Pardo sobre a boa semana de adestramentos do conxunto franxiverde.
As ferrolás contan con todo o plantel dispoñible salvo a dúbida de Erika xa que se atopa atravesando un proceso gripal e será dúbida para o sábado ata última hora.
As rosas visitan unha pista complicada
A Fervenza ven dunha xornada de descanso e buscará na pista do Muslera unha vitoria para seguir nos postos altos da táboa. No anterior encontro da xornada 11, as de Chipi caeron por 6-1 ante o Fisgón na pista de Marín e agora, tentarán recuperar sensacións cunha vitoria a domicilio.
O Muslera ocupa a décima posición da táboa e suma 12 puntos. A pesar da súa situación na clasificación, as ferrolás non deben confiarse no que será unha difícil saída na pista cántabra. As rosas, se gañan e pincha o Valdetires, podería ocupar o posto de bronce ao final da xornada. O fútbol sala ferrolán xoga este finde contra conxuntos cántabros.
