O Muralla Galicia Emerging regresa sen éxito (65-0)

“Foi decepcionante”, comentaba Jos Portos, adestrador das galegas xunto con Rogelio Sabio, consultado polo partido contra o Sant Cugat desta fin de semana. O Muralla Galicia Emerging caía derrotado por 65-0. Unha vez máis as lucenses non chegaron a competir. Á procura de porqués, Portos apunta á forma física e á falta de experiencia como posibles atrancos para que o grupo desplegue o rugby que precisa para manter a categoría. Actualmente son penúltimas empatadas coas últimas, xustamente seu próximo e último rival nesta campaña; o Murcia.

Na viaxe a Cataluña desta fin de semana o Muralla Galicia Emerging tiña posibilidades de ofrecer unha mellor faciana sobre o campo e así gañar enteiros para afrontar o seu partido co Murcia nun mellor estado anímico. Pero o resultado non foi o esperado. Moi ao contrario. “Foi decepcionante. E un varapau”, explicaba Jos Portos, técnico das galegas. “Tiñamos un partido para dar emoción, para poder facer algo, e non fomos capaces”.

Segundo explicaba o adestrador, o equipo lucense plantou “cara ao rival 20 minutos. Tivemos unha opción ao final da primeira parte, que iamos 17-0, de estar con tres golpes de castigo preto da súa marca, pero pasamos de ter esa opción a perder o balón e acabar 22-0 no descanso. A partir de aí xa foi todo cara abaixo”.

A falta de recambios súmase á falta de experiencia lastrando ao grupo

Consultado sobre que lle está faltando a este grupo, Jos Portos, un dos adestradores do Muralla Galicia Emerging, explicaba que “no discurso das valentes hai oito que van cara adiante e o resto está esperando a ver que pasa. Outro impedimento é a forma física. Non temos un equipo como para ter recambios suficientes. E desde o faio físico, non podes competir. E logo está a falta de experiencia competitiva coa que xa contabamos. O gran impedimento é a falta de número e o traballo físico”.

Sant Cugat - Muralla Galicia Emerging / YOUTUBE — Sant Cugat – Muralla Galicia Emerging / YOUTUBE

A vindeira semana teñen ante si unha auténtica final contra o Murcia. Desde As Nosas, preguntámoslle a Jos Portos sobre cal considera que será a clave para que a vindeira semana co Murcia, si se consiga esa ansiada vitoria. Explica o adestrador que no Muralla se traballará “sobre o noso. Hai cousas a mellorar. Pero tamén as analizamos a elas. Sobre eso hai que incidir esta semana. Hai que traballar a ansiedade. Isto é unha final. O que perda baixa. Pero chegar a o último día con esta situación era o que plantexabamos desde o principio. Pero con outras sensacións”, matiza o técnico das galegas.

“Hai que sumar o positivo de cada unha delas. Non queda máis”, apuntaba o adestrador de cara ao partido da vindeira semana contra o XV Rugby Murcia no que o Muralla Galicia Emeging se vai xogar a permanencia. Será na casa, en Lugo, no Gregorio Pérez Ribera (As Pedreiras).

FICHA TÉCNICA

R.C. SANT CUGAT (65): Andrea González, Anna Duch, Meritxell Tur, Elisabet Grané, Paula Pou, María Bardaji, Victoria Gil, Alba Albarellos, Lara Cabezas, Alexia Gasco, Elisabet Calbet, Carla Arca, Elisabet Segarra, Sara Marín e Andrea Moreno.

Tamén xogaron: Laia Capdevila, María Baiget, Nuria Sáez, Idoia Jauregui, Marta Valldeperes, Laia Riu, Laia Manzano e Carla Pagan.

MURALLA GALICIA EMERGING (0): Meghan Cassidy, Paula Ben, Iria Graña, Iria Anidos, Sabela Chan, Alba de la Fuente, Danae Viñas, Coro Repulles, Tania Martínez, María Veiga, Ana Sedano, Paulina Alcoleas, Lucía Hurtado, Guillermina Fernández e Lucía Corrales.

Tamén xogaron: María Santos, Eva Bañobre, Berta Albors, Noemí Esteban e Antía Piñeiro.

ÁRBITRA: Tatiana Yunta. Sen exclusións.

INCIDENCIAS: Partido correspondente á xornada sexta da División Honor B Femenina disputado no ZEM La Guinardera.

MARCADOR: