- España pechou o Mundial de Filipinas cunha medalla de bronce cunha representación galega notable nas súas filas.
- No partido no que se loitou polo bronce anotaron Ale de Paz e Antía Pérez.
O premio que sabe a pouco, segundo apuntan desde a RFEF , xa que o obxectivo era o ouro, pero que deixa moi bo sabor de boca no último partido cunha traballada vitoria diante de Arxentina nun partido que non se decidiu ata a recta final. As suramericanas chegaron a empatar a cinco minutos do final, pero as futbolistas que prepara a adestradora Clàudia Pons lograron sentenciar despois.
Ver esta publicación en Instagram
España empezou dominando con autoridade. Seu era o balón e súas nas ocasións. Irene Samper e Laura Córdoba obrigaron a lucirse. á meta arxentina con potentes disparos. Faltaba o acerto, pero había moita fluidez e moitas chegadas a portería. Aínda que houbo que esperar a unha acción a balón parado para que chegase o primeiro gol. Ale de Paz, de falta directa ao bordo da área, adiantaba a España.
Un tanto que fixo a Arxentina dar un paso adiante á procura do bronce. Poucos segundos despois, Elena tiña que crecerse para deter un remate ao segundo pau de Villalba nunha acción que supuxo un cambio no partido. Arxentina deu un paso adiante e a España faltáballe culminar as xogadas por falta de acerto ben nos últimos pases ou ben nos controis definitivos.
Dese modo, aínda que por diante no marcador, mantíñase a incerteza no resultado, o que mantiña a Arxentina no partido e calquera erro ou calquera golpe de sorte cambiar o senón do encontro. Unha tónica que se mantivo na segunda parte, con España chegando, pero sen acabar de concretar.
Arxentina anota un gol no partido polo bronce
Iso fixo que se chegase á recta final coa opción de que calquera detalle, calquera erro ou, mesmo, calquera rebote, puidese decidir o choque dun lado ou doutro. E así chegou o gol de Arxentina, por medio de Mailén Romero, no xogo de cinco nun remate que tocou nunha xogadora española.
Pero a resposta foi rápida. Arxentina seguiu co xogo de cinco e Laura Córdoba aproveitou un roubo para volver adiantar a España. Un tanto que levó a confianza das futbolistas que preapra Clàudia Pons que, a falta de tres minutos, fixeron o terceiro por medio de Antía Pérez e encarrilaron a vitoria na loita polo bronce na Copa do Mundo.
O broche púxoo Irene Córdoba co seu sétimo gol no Mundial de Filipinas.
A conexión galega da Selección Española
Na Selección de España están as futbolistas galegas Vane Sotelo, Antía Pérez, Ale de Paz e Martita, e o preparador físico, tamén galego, Adrián Paz.
1. Antía Pérez, coa Selección de España no Mundial de fútbol sala, nun partido contra Colombia / RFEF
Antía Pérez, coa Selección de España no Mundial de fútbol sala, nun partido contra Colombia / RFEF
2. Martita, futbolista galega coa Selección Española no Mundial nun partido contra Canadá / RFEF
Martita, futbolista galega coa Selección Española no Mundial nun partido contra Canadá / RFEF
3. Vane Sotelo, coa Selección Española no Mundial de fútbol sala, nun partido contra Colombia / RFEF
Vane Sotelo, coa Selección Española no Mundial de fútbol sala, nun partido contra Colombia / RFEF
4. Ale de paz, futbolista galega coa Selección Española no Mundial nun partido contra Canadá / RFEF
Ale de paz, futbolista galega coa Selección Española no Mundial nun partido contra Canadá / RFEF
5. Vane Sotelo xoga con España o Mundial de futsalfem / RFEF
Vane Sotelo xoga con España o Mundial de futsalfem / RFEF
6. Ale de Paz, coa Selección Española no Mundial de fútbol sala, nun partido contra Colombia / RFEF
Ale de Paz, coa Selección Española no Mundial de fútbol sala, nun partido contra Colombia / RFEF
Tamén hai futbolistas ligadas a Galicia como Irene Samper, ex xogadora do CD Burela FS e actual militante do Melilla CD Torreblanca; Dany Domingos con pasado no Burela FS, equipo no que militou varias tempadas repartidas en dous períodos diferentes. A pívot hispano-brasileña defende actualmente as cores do LBTL Futsal Alcantarilla. No Poio Pescamar militan Elena González de Pablos e Noelia Montoro. E ás portas do Mundial quedou Patricia González Peque, igualmente con pasado no Burela, e agora xogadora do LBTL Futsal Alcantarilla, que se lesionou xusto antes de empezar a Copa do Mundo.
FICHA TÉCNICA
1) ARXENTINA: D’Andrea, Villalba, Becha, Ana Ontiveros e Silvina. Suplentes: Espinoza, Rossi, Julia Dupuy, Quevedo, Natta, Chiesa, Mailén Romero, Orellana e Espinazo (p.s.).
5) ESPAÑA: Elena, Laura Córdoba, Irene Samper, María Sanz e Irene Córdoba. Suplentes: Noelia, Dany, Ceci, Ale de Paz, Laura Sánchez, Vane Sotelo, Antía Pérez, Martita e Cristina (p.s.).
GOLES: 0-1 5′ Ale de Paz. 1-1 36′ Mailén Romero. 1-2 35′ Laura Córdoba. 1-3 37′ Antía Pérez. 1-4 38′ Irene Córdoba. 1-5 40′ Irene Córdoba.
EQUIPO ARBITRAL: Kimberly Valverde (Costa Rica) e Alice Vevodova (República Checa). Amoestaron a Orellana e a María Sanz
INCIDENCIAS: Partido polo terceiro e cuarto posto. Mundial Filipinas 2025. PhilSports Area (Manila, Filipinas).ç
Ver esta publicación en Instagram
