- España pechou a fase de grupos do Mundial 2025 de futsalfem coa goleada máis cómoda ata o momento (0-7). Anotaron goles as futbolistas galegas: Antía Pérez, Ale de Paz e Martita. Nas filas da Selección Española está tamén Vane Sotelo.
Canadá, que partía como a cincenta do grupo, apenas opuxo resistencia ás de Clàudia Pons, que tiveron un partido plácido, con participación de todas as xogadoras e repartindo minutos pensando no choque do luns diante Marrocos de cuartos de final. O partido tivo pouca historia, tal e como recolle a crónica publicada pola RFEF na súa web.
Canadá comezou ameazando na primeira xogada, na que dispuxo dun córner que Elena tivo que despexar en dúas ocasións. Pero, a partido de aí, o partido se mollo nun só sentido. España fíxose coa posesión do balón e só era cuestión de tempo que chegasen os goles.
Antía Pérez foi a encargada de facer o primeiro, cun tiro cruzado aos cinco minutos. No 10′ chegou o segundo, obra de Dany Domingos ao segundo pau tras un pase de Laura Córdoba.
A peche, no 14′, culminou unha xogada colectiva e un minuto despois Ale de Paz ampliaba a diferenza nunha xogada moi similar. Canadá tentábao nalgunha transición, pero apenas xeraba perigo e Ceci, a falta de segundos para o descanso, puxo o quinto.
Na segunda parte, a tónica foi a mesma. Case todo o xogo transcorría na metade da cancha de Canadá, á que lle custaba defender o segundo pau, Así chegou o sexto, que rematou Martita chegando sen oposición.
O sétimo, de Noelia, foi nunha transición tras un balón ás costas de Laura Sánchez a María Sanz. Unha goleada con participación de moitas xogadoras que fixo que os últimos minutos pasasen rápido.
España tivo posesións longas e deixou pasar o tempo, conservando ademais a portería a cero por primeira vez no torneo.
Marrocos será o rival de España nos cuartos de final do Mundial
España xa coñece o seu rival nos cuartos de final. Será Marrocos, que se clasificou como segunda do grupo A tras vencer a Polonia (1-0) no duelo directo.
Un tanto de Jasmine Demraoui na segunda parte deu o triunfo ás campioas de África, ás que só lles valía gañar tras caer no primeiro partido diante Arxentina (6-0) e gañado a Filipinas (3-2) no segundo.
Marrocos foi precisamente o último rival de España antes de viaxar a Filipinas. As futbolistas que adestra Clàudia Pons venceron nos dous amigables disputados en Toledo por 8-1 e 6-1.
Antes, en agosto, tamén xogaron dous amigables en Rabat con triunfos españois por 0-5 e 1-5. En total, ambas as seleccións medíronse en seis ocasiones, con outros tantos triunfos españois, con 40 goles a favor e só catro en contra.
FICHA TÉCNICA
0) CANADÁ: Palacio-Teller, Therien, Pion, Hei e Brossard – quinteto inicial -. Tamén xogaron: Lagace, Delev, Houmphanh, Gosselin, Gaspar Freire, Dadaille, Hindmarsh, Gagne e Steinhauer (p.s.).
7) ESPAÑA: Elena, Laura Córdoba, Irene Samper, Ale de Paz e Irene Córdoba. – quinteto inicial -. Tamén xogaron: Noelia, Dany, Ceci, María Sanz, Laura Sánchez, Vane Sotelo, Antía Pérez, Martita e Cristina (p.s.).
GOLES: 0-1 5′ Antía Pérez. 0-2 10′ Dany. 0-3 14′ Laura Córdoba. 0-4 15′ Ale de Paz. 0-5 20′ Ceci. 0-6 25′ Martita. 0-7 29′ Noelia.
EQUIPO ARBITRAL: Nurul Janah (Malaisia) e Reem Albishi (Arabia Saudita). Amoestaron a Gagne. Xornada 3. Fase de grupos. Mundial Filipinas 2025.
INCIDENCIAS: Último partido da Selección Española que prepara Clàudia Pons dentro da fase de grupos do Mundial de fútbol Sala Feminino 2025 disputado na cancha do PhilSports Area ( Manila, Filipinas ) .
