Morenín, adestrador do Ourense Envialia, compareceu en rolda de prensa virtual despois da semifinal do play-off polo título de Primeira División de fútbol sala feminina.
Tras perder na tanda de penaltis, o preparador ourensá recoñeceu que tardaron moito en entrar ao partido. “Nos primeiros quince minutos estivemos moi mal e o Alcorcón foi superior. Tivemos unha ocasión para facer o 1-0 pero non estivemos finos coa finalización”.
Recoñece que nos últimos cinco minutos da primeira parte volver a coller confianza e que o gol de Vane deulles unha inxección de moral. Analizando o partido, destaca que “na segunda parte fomos un equipo totalmente diferente. Fomos máis agresivas en defensa alta, tivemos máis o balón, xogamos máis coa nosa pívote e as continuacións. O xogo que habitualmente facemos”, ao que engade que “ao final na prórroga os dous equipos estaban moi cansados. Tivemos ao final da primeira metade da prórroga moi clara, non entrou a ‘pelotita’. nos penaltis, unha pena. Non é que sexan unha lotería pero non nos sorriu a sorte”
Morenín, adestrador do Ourense Envialia: “Tivemos ao final da primeira metade da prórroga moi clara, non entrou a ‘pelotita’. nos penaltis, unha pena. Non é que sexan unha lotería pero non nos sorriu a sorte”
O equipo ourensá experimentou un cambio radical ao volver do tempo de lecer. O adestrador afirmou lle dixo “que non se estaban divertindo, que non estaban competindo ao nivel habitual. Parecía que estabamos xogando con pedras nos petos e díxenlles que se soltaran”. Tamén cre as 5 faltas da primeira parte as condicionou bastantes e que na segunda parte o 3-2 lles deu alas. “Creo que merecemos máis pero ao final o resultado é o que é”, sentenciou.
Morenín, adestrador do Ourense Envialia: “Hai xente moi xoven no equipo e non entramos ben ao partido, non entramos centradas. Díxenlles que era un partido que esixía moita concentración, un pouco superior ao habitual”
O adestrador non sabe se lles puido a responsabilidade neses primeiros minutos. “Hai xente moi xoven no equipo e non entramos ben ao partido, non entramos centradas. Eu díxenlles que era un partido que esixía moita concentración, un pouco superior ao habitual” afirma sobre este tema.
Ademais recoñece que a nivel defensivo, onde sempre se caracterizou por ser un equipo forte nese aspecto, non o estaban sendo. “Non é que fixeramos maxia, só lles dixemos que tiñamos 20 minutos para recuperar o que non tiñamos feito e para iso puxémolles de exemplo da segunda metade que fixemos en Burela, na que remontamos un 3-0”, concluíu sobre este tema.
“Tes que quedarte con que fomos o equipo dominador no tramo final do partido, que é onde se xogan as augas” sostén o preparador do Ourense Envialia, aínda que engandiu que se quedou co sin sabor de ter entrado tan mal ao encontro.
Morenín, adestrador do Ourense Envialia: “Tes que quedarte con que fomos o equipo dominador no tramo final do partido, que é onde se xogan as augas”
Sobre a posibilidade de xogar con 5, afirmou que o pensou aos dez minutos da primeira parte, porque o estaban facendo tan mal que intentaba pensar en cambiar o ritmo do partido. “Fixen cambios de xogadoras pero non funcionou. T´ñao pensado se seguiamos co 0-3, pero o gol deunos alas e na segunda parte non o vimos necesario”, sentenciou.
Morenín falou sobre o penalti de Sara Moreno
Que unha xogadora que marca dous goles na final e que é a tiradora habitual das penas máximas non tire ata o décimo oitavo penalti ía a dar que faltar. E máis se o erra, como foi o caso. O técnico confirmou que non quería tirar por falta de confianza e que llo debería ter dito ao corpo técnico onte, xa que ao ser, a tiradora habitual contaban con ela.
“Está mal. Ao final síntese a culpable pola responsabilidade de fallar, pero realmente a responsabilidade é de todos. Eu sentinme responsable da mal primeira parte, dun mal plantexamento. Pero ela é normal que estea fastidiada”, engadiu sobre a cuestión do penalti.
Para o adestrador, a tecnoloxía de revisión é un avance importante
“Paréceme moi ben, pero como non se poden ver as imaxes tampouco podo valorar a sensación de se está ben ou mal”, dixo cun sonriso Morenín, engadindo que cre que é un adianto moi importante. “En xeral é un avance para o noso deporte e poder telo é un acerto e hai que dar gracias á Federación e a Liga”, rematou.
