“Hai moitos equipos que se reforzaron moi ben e seguro que será unha competición con moitas sorpresas e moita competitividade”, deste xeito analizou Morenín, adestrador do Ourense Envialia o comezo da nova tempada da categoría de ouro do futsal. Unha campaña marcada pola COVID-19 e na que o técnico galego confía en que “a pesar do dominio do Burela e Futsi durante as últimas tempadas, creo e confío que o resto imos estar máis preto deles”.
O técnico das ourensás afronta un novo curso cun obxectivo claro: entrar por terceiro ano consecutivo nos postos de playoff.
Este ano suma catro fichaxes (Jenny Lores, Iria Saeta, María Arias e Andrea Feijoo) de renome que de seguro que darán un salto de calidade e determinación, sobre todo la zona de ataque
Esta será unha tempada na que a COVID-19 seguirá a marcar a competición e Morenín é consciente diso e non cre “que na primeira xornada de Liga podamos ver ao mellor Envialia da tempada pero si servirá para ver o estado no que estamos todos os equipos tras o largo parón”.
As Nosas: Como ves ao equipo tras o parón e tras tantos meses sen competir?
Morenín: Quizais nós somos un dos equipos que menos tempo leva de parón ao competir durante o playoff. Tiñamos ganas de empezar en agosto, atrasámolo por cuestións de protocolo e decidimos que ata que non tuvieramos os protocolos oficales do CSD non iamos empezar. Vexo ao equipo con moitas ganas de adestrar. Será interesante ver como está cada equipo ao principio de tempada.
Morenín, adestrador do Ourense Envialia: “Vexo ao equipo con moitas ganas de adestrar. Será interesante ver como está cada equipo ao principio de tempada”
AN: Esta tempada 20/21 será, sen dúbida, atípica por todo o que rodea. Crees que pode ser unha oportunidade para que sexa unha Liga máis competida e apertada na que pode haber algunha sorpresa nos postos de arriba?
M: O formato de competición di que vai ser unha Liga bonita, como o ano pasado. Haberá 34 xornadas se todo vai ben e se a pandemia permíteo e o formato de playoff a catro daralle moita emoción á liga e volverá igualar todo bastante.
Creo que Burela e Futsi son os equipos máis destacados, polas súas últimas tempadas e porque se reforzaron ben. A pesar do dominio destes conxuntos durante os últimos anos, creo e confío que o resto imos estar máis preto. Hai moitos equipos que se reforzaron moi ben e seguro que será unha competición con moitas sorpresas e moita competitividade.
Morenín, adestrador do Ourense Envialia: “Hai moitos equipos que se reforzaron moi ben e seguro que será unha competición con moitas sorpresas e moita competitividade”
@nachorego
AN: Cales son os obxectivos do Ourense Envialia para este curso?
M: É pronto para valorar obxectivos, pero despois de dous anos seguidos quedando terceiras, o obxectivo do equipo ten que ser tentar meterse entre os catro primeiros para entrar en playoff outra campaña máis. Seguro que seremos un dos equipos para bater e teremos que dar un paso adiante para seguir cuns números tan bos como as pasadas tempadas.
Morenín, adestrador do Ourense Envialia: “Seguro que seremos un dos equipos para bater e teremos que dar un paso adiante para seguir cuns números tan bos como as pasadas tempadas”
AN: Os reforzos de Jenny Lores, Iria Saeta, María Arias e Andrea Feijoo dan un indubidable salto de calidade ao equipo. Tras quedar en postos de playoff do ano pasado e estes grandes reforzos, vese o Envialia capaz de pelexar pola liga?
M: A plantilla é máis competitiva que outros anos pero agora toca demostralo na pista e ser regulares durante toda a tempada. Hai equipos que confeccionaron planteis moi competitivos e creo que varios conxuntos imos estar máis preto de Burela e Futsi.
Temos que tentar ser un equipo serio e disciplinado en defensa e esperamos mellorar bastante o ataque posicional grazas aos reforzos que chegaron. De todos os xeitos, o noso obxectivo non é outro que entrar outro ano máis en playoff. Esa é a nosa realidade.
Morenín, adestrador do Ourense Envialia: “O noso obxectivo non é outro que entrar outro ano máis en playoff. Esa é a nosa realidade”.
@nachorego
AN: Comezades a tempada cun derbi galego contra o vixente campión, Pescados Burela. É a mellor maneira de empezar para poder medir o nivel e o estado do equipo?
M: Atopámonos con bastantes menos sesións de entreamiento que elas pero tentaremos chegar nas mellores condicións e ademais temos a sorte de xogar en casa. A día de hoxe temos xente tocada e lesionada pero para a data do inicio ligueiro confío en poder chegar co persoal en plenitude de condicións.
Non creo que na primeira xornada podamos ver ao mellor Envialia da tempada pero si servirá para ver o estado no que estamos todos os equipos.
Esta tempada será atípica porque imos xogar poucos amigables e eu son un adestrador que me gusta xogar moitos partidos amigables para realizar probas e chegar da mellor maneira ao comezo da tempada.
Morenín, adestrador do Ourense Envialia: “Non creo que na primeira xornada podamos ver ao mellor Envialia da tempada pero si servirá para ver o estado no que estamos todos os equipos”
