O domingo o Victoria CF visita un dos campos máis complicados da categoría, o do segundo clasificado, o CD Monte. As cebras visitan ás 13:00 horas os Campos de San Juan na 15ª xornada da Liga e buscarán puntuar para cambiar a dinámica tras a derrota da semana pasada fronte o Racing de Santander B.
O adestrador das cebras, Toño, falou da dificultade do xogar na casa do Monte: Temos por diante un partido complicado. Elas son un rival moi duro, sobre todo no seu campo. Alí é moi difícil sacar resultados positivos pero imos tentar sacar algo positivo da visita a Santander.
Toño, adestrador do Victoria CF: “Temos por diante un partido complicado. Elas son un rival moi duro, sobre todo no seu campo. Alí é moi difícil sacar resultados positivos pero imos tentar sacar algo positivo da visita a Santander”.
“Vimos de mala cunha crise de resultado, xogo e lesións. Estamos a recibir moitos goles e queremos cambiar esa dinámica”, engadiu o técnico galego na previa.
Toño, adestrador do Victoria CF: “Vimos de mala cunha crise de resultado, xogo e lesións. Estamos a recibir moitos goles e queremos cambiar esa dinámica”.
Unha vitoria que sería máis de tres puntos para as herculinas, xa que ademais de gañar ao segundo clasificado no seu feudo, porían terra de por medio co descenso, que actualmente marca o Gijón Fútbol. Femenino. “Sacar algo alí e gañar sería incrible, un impulso moi grande para toda a plantilla. Logo temos tres partidos seguidos da nosa liga e se sacamos nove puntos estariamos nunha zona tranquila”, engadiu Toño.
Toño, adestrador do Victoria CF: “Gañar sería un impulso moi grande para toda a plantilla. Logo temos tres partidos seguidos da nosa Liga e se sacamos nove puntos estariamos nunha zona tranquila”.
O máis difícil todavía
As coruñesas contan con bastantes baixas para o encontro e tan só dispoñen de doce xogadoras do primeiro equipo. Toño terá que completar a convocatoria con xogadoras do filial e reeorganizar o equipo. Coas últimas lesións, xa son nove baixas as que acumulan as galegas. As cebras teñen un duro duelo o domingo pero non será por falta de ilusión e entrega.
