A concelleira de Deportes do Concello da Coruña, Mónica Martínez, recibiu no concello as xogadoras coruñesas de hóckey herba Sub-14, que gañaron coa Selección Galega o Campionato de España no pasado mes de marzo.
A edila deulles a noraboa tanto ás deportistas Marta, Inés, Docha, Lola, Noa, Alba e Ainara como ao persoal técnico do Centro de Tecnificación de Galicia na Coruña: Álvaro Rodríguez, Estíbaliz Arrugaeta e Ángel Iglesias. Martínez estivo acompañada da delegada da Coruña da Federación Galega de Hóckey, Yolanda Casanova, e do responsable da Promoción da Federación Galega Hóckey, Roberto Baratta.
Mónica Martínez salienta a importancia da visibilización do deporte feminino
Martínez destacou a importancia de visibilizar o deporte feminino. “As mulleres mesmo conquistaron deportes, que antigamente estaban asociados por estereotipos á masculinidade como a halterofilia, ou o rugby. A nosa cidade hoxe ten nestes deportes algúns dos mellores referentes de Europa. No futuro virán a María Pita moitas máis mulleres, pero hoxe queremos render homenaxe ás nosas campioas de Hóckey Herba que co seu esforzo déronnos unha enorme alegría”.
Mónica Martínez, concelleira de Deportes do Concello da Coruña: “Queremos render homenaxe ás nosas campioas de Hóckey Herba que co seu esforzo déronnos unha enorme alegría”
A concelleira recordou que o deporte feminino coruñés sempre destacou ofrecendo os mesmos éxitos que o masculino, pero na sombra: “Afortunadamente asistimos a un cambio. Vemos como se enchen os estadios e como as seleccións femininas non só gañan, senón que levantan paixóns entre as afeccións”
Mónica Martínez, concelleira de Deportes do Concello da Coruña: “Afortunadamente asistimos a un cambio. Vemos como se enchen os estadios e como as seleccións femininas non só gañan, senón que levantan paixóns entre as afeccións”
María Dolores (Docha) Feijoo Ferreiro, capitana do equipo, agradeceu a recepción en María Pita e lembrou o traballo levado a cabo por todas as súas compañeiras para acadar o ouro. “Imos seguir esforzándonos e mellorando porque o Hoquei feminino sexa un referente na nosa cidade”.
Docha, capitá do equipo: “Imos seguir esforzándonos e mellorando porque o Hoquei feminino sexa un referente na nosa cidade”.
Pola súa banda, Roberto Baratta, responsable da Promoción da Federación Galega Hóckey e director do Centro de Tecnificación de Galicia (CeTeGa), asegourou que a Federación seguirá a traballar para que estas xogadoras poidan seguir gozando do seu deporte.
