Coa clasificación para o Mundial de New Zealand 2020 na mente, a Selección Feminina de Rugby XV, as Leonas, saltará hoxe á cancha en Guadalajara con Mónica Castelo nas súas filas. A galega será titular e no banco estará Paula Requena. Quédase fóra da convocatoria para este partido Paula Alevín Medín. O choque pertende ao Campionato de Europa que clasifica para o Campionato do Mundo.
Tal e como contan desde a Federación Española de Rugby “exactamente 398 días. Este é o tempo que a Selección feminina de rugby XV tivo que esperar para volver aos campos, tras o último choque que as enfrontou a Escocia en Almería o 19 de xaneiro do pasado 2020. Dous adiamentos do Campionato de Europa, moito traballo polo medio e longos meses de incerteza que por fin desembocan no gran reto das Leonas para este ano: conseguir a clasificación para New Zealand 2020″.
Selección Española de Rugby, as Leonas / FEDERACIÓN ESPAÑOLA DE RUGBYO cruce desta tarde ás 16:00 horas será no Estadio Pedro Escartín de Guadalajara. As españolas teñen a obra de vencer a Rusia para ter opcións na carreira mundialista. O partido poderá verse en directo pola web de Teledeporte e en diferido por esta mesma televisión ás 18:45 horas, ademais de por a web de rugbyeurope.tv.
Mónica Castelo, no 15 inicial
O seleccionador, José Antonio Barrio Yunque, deixa fóra a xogadoras como: Patricia García, María Losada, Iera Echebarría, Isabel Rico e a cambresa Paula Alevín Medin, do CRAT Residencia Rialta. As leonas elixidas para enfrontarse a Rusia son:
- Saioa Jaurena
- Margarita Rodríguez
- Laura Delgado
- Anna Puig
- Mónica Castelo
- Olivia Freneda
- María Calvo
- Lourdes Alameda
- Lucía Díaz
- Anne Fernández de Corres
- Amalia Argudo
- Amaia Erbina
- Bea Domínguez
- Lide Erbina
- María García.
Lembra a Federación Española de Rugby que as “Leonas XV só se enfrontaron en dúas ocasións ao conxunto ruso e en ambas saíron vencedoras. Na primeira, no Campionato de Europa de 2007 venceron 54-3 ás Osas, e en 2019 fixeron o propio por 41-0″.
Con todo, as españolas “non se confían ante este encontro, sabedoras de que o combinado ruso chega a esta cita con grandes expectativas e moita rodaxe, así como que o partido será un gran desafío físico que deberán dominar desde o inicio”, avisan desde a Federación Española.
HISTORIAL DE VITORIAS DAS LEONAS NO CAMPIONATO DE EUROPA
- I Campionato de Europa Feminino – Treviso 1995
- VII Campionato de Europa Feminino – Malmö 2003
- XV Campionato de Europa Feminino – Estrasburgo 2010
- XVIII Campionato de Europa Feminino – Madrid 2013
- XIX Campionato de Europa Feminino – Madrid 2017
- XX Campionato de Europa Feminino – Bélxica 2018
- XXI Campionato de Europa Feminino – Madrid, Amsterdam, Bonn 2019
