A ambición do Ourense Envialia non tivo premio en Murcia, ao contrario, as galegas recibiron o castigo dunha derrota. Regresaron as de Morenín da cancha do Roldán FSF cun 3-0 que non fai xustiza ao visto sobre a cancha.
O resultado constitúe o primeiro triunfo do Roldan FSF no seu feudo e chegou xusto coa visita do Ourense Envialia.
As de Juanjo Alcaraz saltaban ao parquet do Gabriel Pérez de Roldán coa ilusión de sumar o seu segundo triunfo, o primeiro en cancha propia.
Do outro lado, as galegas que adestra Morenín viaxaran á procura tamén da súa segunda vitoria. Foron os primeiros compases do partido para as galegas que tiveron chegada pero non pegada. Asinaron as ocasións das ourensás Iria Saeta e Andrea.
Importante victoria del equipo que se lo ha dejado todo en la pista hasta el último segundo ante un gran @OUenvialiaFSF.
Hoy nos ha acompañado la Consejera @MariaCrisalo y el Director General de Deportes @fran__san de @DeportesMurcia.
¡Gracias por vuestro apoyo!
📸 @grl48 pic.twitter.com/pv74XUhjjo
— STV Roldán FSF (@RoldanFSF) November 14, 2020
A contención dos ataques das galegas foi o maior dos méritos das murcianas este arranque de partido. A súa guardameta, Cristina, fixo boas intervencións e conxurou o perigo da súa portaría.
Faltaban pouco máis de catro minutos para o final da primeira parte cando chegou o primeiro tanto das locais e se iniciaba o castigo para as das Burgas. A xogada xurdiu dun roubo de balón. Alba Gandía transformaba en gol a ocasión máis clara das locais no tempo de xogo que se levaba disputado.
Chegouse ao descanso cun 1-0 para as murcianas e todo por decidir. Pero xusto despois de que Lores desaproveitase una oportunidade diante de Cristina, chegaría o 2-0 para o Roldán FSF. Outra vez un roubo de balón, pero esta vez o gol e o castigo saía das botas de Mari Ángeles.
Cargadas ambas as dúas escuadras de faltas, o Ourense Envialia métese antes en problemas. Aos 30 minutos Vanesa Barberá ten que enfrontarse a Ángela nos 10 metros. A porteira das galegas sae vitoriosa do duelo. Buscando ir de cara a polo partido, Morenín aposta polo xogo de cinco e solicita un tempo morto para dar instrucións ás súas pupilas.
No marcador 2-0 para as locais, pero na cancha, o Ourense Envialia parecía ser quen mandaba no partido. Pero no deporte, o que conta, ao final é o resultado este seguía favorecendo ao Roldán FSF.
A puntilla para as galegas chegaría a un minuto do final cando Lola marcaba nun contragolpe iniciado pola súa gardameta o 3-0 co que se chegaría ao final do partido.
Ao final da xornada o Roldal FSF aúpase á cuarta praza, nos postos nobres da táboa. Mentres que o Ourense Envialia, logo do castigo do 3-0, ubícase na sexta posición por encima do Viaxes Amarelle pola súa mellor diferencia de goles.
O Ourense Envialia pode subir na táboa a vindeira semana
As de Morenín xoga a próxima fin de semana en casa contra un oso, o AE Penya Esplugues. Trátase do terceiro clasificado na competición pero tamén dunha ocasión de ouro para as galegas á hora de intentar buscarse un oco entre as catro primeiras prazas da clasificación.
Pola súa parte, o Roldán visitará Galicia para medirse co Viaxes Amarelle. As laranxas quererán colleitar o seu primeiro triunfo en casa e seguir sumando logo de imporse esta semana ao Cidade de As Burgas GLS.
No vestiario das ourensás non hai tempo para lamentos e xa preparan entre sorrisos e dinámicas de grupo baixo da batuta do seu psicólogo Cristhian Fernández o seu seguinte choque.
DINÁMICAS DE GRUPO // LAS PISTOLERAS · EL TERREMOTO
Geniales dinámicas de nuestro psicólogo @cr1sth1anpsd para que la cohesión de grupo sea cada vez mejor si cabe.
¡Gracias siempre Cristhian por tu gran trabajo!#ourensEnvialia #psicologiaDeportiva #Psicología #ubuntu #futsal pic.twitter.com/9kK7Od9FcL
— Ourense Envialia FSF (@OUenvialiaFSF) November 15, 2020