O atletismo galego vai ser un non parar nesta fin de semana. Tal e como apunta a Federación Galega de Atletismo, haberá unha “intensísima actividade de Campionatos de Galicia nesta fin de semana onde poderemos disfrutar, xunto aos campionatos de España, de toda unha ampla oferta que terá como centro de atención a pista cuberta de Expourense e as pistas do CGTD de Pontevedra”.
En concreto o recinto cuberto será escenario da disputa dos Campionatos de Galicia Máster o sábado 27; o Campionato de Galicia de Probas Combinadas Máster e Sub20/Sub18 o sábado 27 e domingo 28 así como o Campionato de Galicia Sub18/Sub20 e Sub23 o domingo 28.
Alba Cuns nunha imaxe de arquivo cando obtivo o ouro en triplo salto no Campionato España sub18 / RFEA
Nestas citas contaremos ca presenza destacada de Alba Cuns, agora no Playas de Castellón, quen tomará parte no concurso de triplo e onde acude ca mellor marca nacional Sub18 do presente ano con 12.55 m.
No concurso de pértega tamén estará a actual campioa absoluta Lola Bouza que milita nas filas do ADAS Proinor. Bouza ven de saltar recentemente nada menos que ata os 3.56 metros.
Por parte dos atletas masculinos, entre outros estarán saltando sobre os valos David Vicente na Sub18 quen acude ca sétima mellor marca nacional da tempada.
Na velocidade presenza da recente plusmarquista galega Sub18 sobre os 200 m. con 25.33 Ainhoa Reparaz, atleta pertencente á disciplina do Val Miñor, quen estará na línea de saída tanto na distancia dos 60 m. como na dos 200 m.
No que atinxe ás probas combinadas máster de pentathlon, vaise contar coa participación do actual campión galego absoluto, Carlos Ferrer, que compite co Atletismo Narón destacando no de Combinadas Sub20 e Sub18 o concurso da atleta Lucía Sánchez del Valle, deportista do club Atlética Lucense.
Campionato de Galicia Máster de Atletismo
De igual modo un total de 254 atletas da categoría máster, moitos deles medallistas nacionais e internacionais, estarán competindo neste campionato autonómico que se disputará no recinto de Expourense, na Cidade das Burgas, tomando parte na súa cita anual de inverno.
Entre os mesmos contarase ca participación, por exemplo, da velocista Emma Valencia do Celta quen estará tomando parte nos 60 valos. Pola súa parte, María de los Angeles Rodríguez do club da Silva estará competindo dentro do concurso de lanzamento peso. Outra das atletas femininas destacadas que non faltarán en terras ourensás será a medallista internacional na disciplina de marcha atlética, Rosa Sierra do Atletismo Sada quen tomará parte, nesta ocasión, na proba de lonxitude.
Campionatos de Lanzamentos Sub16 e Sub18
Pola súa banda as pistas do Centro Galego de Tecnificación Deportiva de Pontevedra (CGTD) acollen esta fin de semana a disputa do Campionato de Galicia de inverno de lanzamentos Sub16 e Sub18 xunto ás probas dos 400 m, 800 m., e 1.500 m. correspondentes ao Campionato de Galicia Sub20 e Sub23 que por motivos COVID teñen que ser efectuados ao aire libre.
No campionato galego de lanzamentos, serán 59 os atletas que se den cita en Pontevedra. Entre deles se atopa a recente campioa de España da modalidade longa de menores Marta Neira do AVA. Neira estará competindo no concurso de martelo. Xunto ela, poderanse seguir tamén as evolucións do tamén medallista de bronce neses mesmos campionatos, Nicolás Ortega, atleta pertencente á disciplina do Coruña Comarca, e que lanzará no concurso de lanzamento de disco, dentro da categoría Sub 18. Blanca Pereira do Ourense Atletismo terá unha boa oportunidade para amosar a súa categoría e estar na loita polo título.
A maiores, toda esta oferta competitiva complementarase o domindo 28 co desenvolvemento de dous controis de marcas tanto na pista cuberta en Ourense, como na de aire libre en Pontevedra.
Como deciamos ao principio, esta fin de semana haberá unha intensa e completa actividade dentro do atletismo galego. Alguén da máis?
