Sábese que Miriam Ríos é todo corazón e unha cabeciña inquieta sempre disposta a sumar en positivo. Se é así de portas para fóra, o lóxico era que tamén no seu ámbito familiar, a deportivista respondese aos mesmos impulsos. Onte, a xogadora do Deportivo ABANCA, púxose máns á obra e fixo un pouco máis especial este confinamento aproveitando o aniversario da súa nai.
Non son poucas as iniciativas que nestes días poñen sobre a mesa o noso lado máis humano. Nun tempo no que non está recomendado que as mostras de cariño sexan en forma de bicos ou apertas, nuns días nos que as reunións familiares son imposibles en moitos casos, e xusto cando máis precisamos dese contacto e de sentirnos queridos pola nosa xente. En metade do confinamento nos fogares, para poder pórlle freo a crise sanitaria do coronavirus COVID-19, os festexos de datas importantes como aniversarios tórnanse complicados, pero non imposibles.
Querer é poder, así que desde diferentes vilas escoitamos que se levan a cabo iniciativas nas que ás máis pequenas da casa se lles achegan felicitacións virtuais dos compis do cole, ou reciben a visita da Policía ou Protección Civil diante da súa vivienda para facerlle unha mini festa a golpe de sereas, luces e altofalantes dos vehículos policiais. Pero o certo é que non so os máis cativos teñen diante de si celebracións diferentes. Tamén as persoas adultas precisan de compartir a ledicia de sumar anos e soprar as candelas o día no que o almanque ten marcado o seu aniversario.
Eso debeu pensar a futbolista do RC Deportivo ABANCA cando se achegaba a data do aniversario do nacemento da súa nai e o confinamento seguía aí, limitando as reunións cos seres queridos. Miriam é das que medra diante das dificultades e nesta situación, non había ser menos. Convocou á veciñanza para que foran cómplices dunha sorpresa festiva para a súa nai e a xente respondeu dun xeito fantástico á convocatoria da deportista coruñesa.
Miriam buscou cómplices na veciñanza
As tarefas de preparación da festa sorpresa requeriron de non pouco esforzo, polo que a zaguera branquiazul recoñecía o cansazo e satisfacción tras mobilizar a parte do seu barrio (Novo Mesoiro) da Coruña para felicitar os 67 anos da súa proxenitora. Conseguiu que a veciñanza lle cantase á súa nai para conmemorar a data.
A central inmortalizou o emotivo momento na súa conta de Instragram con varios fotos e vídeos que deron conta da gran cantidade de xente que se sumou á felicitación.
Nos vídeos pódese apreciar como moitos dos veciños e veciñas do barrio saen as ventás para cantarlle e desexarlle un aniversario feliz á nai de Miriam, a ritmo de “Resistiré”. Un novo gran xesto humán, nestes momentos difíciles que nos toca vivir a todas e a todos, dunha gran xogadora de fútbol e amosa acotío que tamén é unha gran persoa.
A guinda do pastel púxoa unha veciña da capitá deportivista, que fixo un biscoito e levoullo a casa. Sen dúbida, un cumpleanos moi especial para a familia de Miriam Ríos.
Foi un día de revolución, en todos os sentidos. Moi emocionante e esgotador á vez. Grazas a todos os que achegastes o voso granito de area para darlle esta sorpresa á miña nai e por todas as mensaxes de felicitación, axuda e ánimo que chegaron de tantos lugares. Porque o devandito de que nai só hai unha é moi certo e como tod@ s eu teño á mellor. Jajaja A pobre é como eu, non sabe reaccionar ás sorpresas e hoxe foi sorpresón jajaja De novo GRAZAS, moita forza e se podedes quedarvos na casa ♥️🤗💪 PD: o biscoito que nos trouxo a nosa veciña Alicia e a súa familia está buf, tremendo. 🔝
