Dous títulos ligueros ten o CRAT Residencia Rialta no seu palmarés, pero seguramente hoxe, o festexo da permanencia matemática do equipo na Liga Iberdrola tivo un festexo similar a esos dous entorchados. Coa etiqueta #MiMadriña (unha chiscadela ao día da nai e ao partidazo que se agardaba), o partido entre galegas e madrileñas viviuse nas redes con moita paixón.
O trunfo das xogadoras que adestra o dúo conformado polos adestradores galegos Helen Roca – Jos Portos impúxose ao CR Olímpico de Pozuelo na cancha universitaria coruñesa de Elviña por un tanteo de 29-22. Este resultado outórgalles ás locais, a falta aínda dunha xornada para o final de liga, a permanencia matemática para seguir o próximo ano na elite do rugby feminino estatal como reflicte xa clasificación.
💙 FINAL 💙
🏉 @CRAT1976 29-22 @OlimpicoRugby
🗣️ #MiMadriña , gran victoria que da el premio de #LaResistencia en la 🏆@DHIberdrola #ResistiendoDesde1976 #FamiliaCRAT pic.twitter.com/7S9HCgvI5x
— C.R.A.T. A Coruña 😷 (@CRAT1976) May 2, 2021
Nunha desas tempadas que se pode considerar de transición tocoulle ao conxunto do CRAT Residencia Rialta, nesta segunda fase competitiva, xogar por manter a categoría non canto de xogar polo título como ten feito en tempadas previas nas que incluso foron campioas.
Nesta segunda fase da Liga Iberdrola de rugby, o conxunto que queda último clasificado do grupo de catro aspirantes á permanencia, descende. E o penúltimo, terá que xogar unha eliminatoria. Logo do trunfo de hoxe, domingo 2 de maio, sábese que ese non será o caso das coruñesas que asinaron ao vencer ao CR Olímpico de Pozuelo a súa permanencia de xeito matemático.
Co partido empatado a 22-22 na recta final do partido un traballado ensaio logrado por Ana Montero con transformación de Ana Iglesias colocaba ás coruñesas cun 29-22 que defenderían con unllas e dentes o pouco tempo de xogo que lle quedaba ao cruce ante as de Pozuelo de Alarcón.
Se a cara desta noveva xornada na Liga Iberdrola foi para as coruñesas, a cruz tocoulle ao conxunto do Les Abelles que di adeus á máxima categoría ao percer co Sanse Scrum 23-5. As de Valencia retornan a División de Honor B.
Na clasificación deste grupo 2 está lider o CRAT Residencia Rialta con 17 puntos, seguido do CR Olímpico de Pozuelo con 13, o Sanse Scrum RC con 12 e pecha a táboa, xa descendido con 5 puntos no seu haber o conxunto do CP Les Abelles.
FICHA TÉCNICA
29) CRAT RESIDENCIA RIALTA: Miriam Roig (Carla Mosquera, min. 53), Claudia Arranz (Maise Alice James, min. 36), Isabel Martí, Ana Montero, María Vega, Divnia Leis (Maitane Buján, min. 73), Alicia San Martín, Mónica Castelo, Alba Rubial, Jessica Martín, Elsa Porto, Claudia Barrio, Yanca Almeida (Paz Marín, min. 14) e Paula Requena.
22) CR OLÍMPICO DE POZUELO: María del Castillo (Amaya Rascón, min. 73), Marta Morero (Beatriz Sanjurjo, min. 51), Sillorella Bracic, Marta Iglesias, Miriam Vega, Amanda Prado, Beatriz Cabo (Irene Garrido, min. 51), Cristina Blanco, Natalia Ortega (Mar Ruiz, min. 41), Sabina Hurtado, Laura Arnaiz, Luz María Martín, Eva Aguirre, Ana Marina Sánchez e Silvia Morales.
MARCADORES:
5-0: Min. 9 Ensaio de Mónica Castelo
7-0: Min. 10 Transforma Ana Iglesias.
7-5: Min. 27 Ensaio de Eva Aguirre.
7-7: Min. 28 Transformación de Cristina Blanco.
7-12: Min. 32 Ensaio de Marta Iglesias.
12-12: Min. 34 Ensaio de Ana Montero
14-12: Min. 35 Transformación de Ana Iglesias.
14-15: Min. 43 Golpe de Castigo de Marta Iglesias.
19-15: Min. 48 Ensaio de Yanca Almeida.
22-15: Min. 65 Golpe de Castigo Ana Iglesias.
22-20: Min. 68 Ensaio de Eva Aguirre.
22-22: Min. 69 Transformación de Ana Marina Sánchez.
25-22: Min. Ensaio de Ana Montero.
29-22: Min. Transformación de Ana Iglesias.
ÁRBITROS: Félix Villegas. Excluíu no minuto 63 á xogadora local Ana Montero por faltas reiteradas.
INCIDENCIAS: Partido da xornada nº 9 da Liga Iberdrola de Rugby Grupo 2, disputado no campo de Elviña na Coruña. Neste encontro, as locais acadaron a permamencia na categoría.
