Este domingo, 14 de febreiro, Sevilla será o escenario do Campionato de España de Marcha en Ruta, que inclúe a categoría máster. Nela, máis concretamente no máster 45, estará a galega Milu Rodríguez, atleta da Sociedade Atlética do Trega.
A deportista chega en boa forma a esta competición. Recentemente acadou unha medalla de bronce do campionato de Torrevieja, polo que para este domingo, Milu Rodríguez apunta ao podio.
Ademais, a finais do 2020 tamén sumou bos resultados ao seu palmarés. No XXIVXVII Campionato de España de Máster en Ruta de 10 km celebrado en Getafe, a galega volveu a casa cunha prata colgada, cun rexistro de 01:41.
Un par de semanas antes, Milu Rodríguez acadou o ouro no XVIII Campionato de Galicia de Marcha en Pista que tivo lugar en Pontevedra. Un primeiro posto que obtivo tamén en setembro, no XXXIII Campionato de Galicia Máster ao aire libre.
Na proba de atletismo desta fin de semana, a atleta do Trega participará nos 20 quilómetros de marcha feminina e o fará contra outras 12 deportistas. Milu Rodríguez será a única galega da competición.
