A popular carreira de San Silvestre, que se celebra en Nadal, tivo que adaptarse aos tempos de pandemia en Pontevedra. Pero iso non freou aos máis de mil participantes que decidiron formar parte este ano na ‘Rara, pero San Silvestre‘, organizada pola Sociedad Gimnástica de Pontevedra.
En total, 1.019 persoas completaron máis de 12.000 quilómetros no evento que se prolongou durante un mes. A cifra de corredores é moito máis baixa que a do ano pasado, cando se logrou o máximo histórico, con 7.000 inscritos.
Pero desde a organización da San Silvestre móstranse encantados cos resultados. “Se é real eses 1.000 participantes é unha cifra moi boa porque fai sete ou oito anos non pasábamos case dos 1.000 participantes”, di Víctor Riobó, un dos directores técnicos do evento.
Esta adaptación ao COVID-19 da proba xurdiu coa intención de mesturar o físico e o virtual para cumprir as medidas sanitarias, á vez que se buscaba promover a actividade física e “manter viva a ilusión da San Silvestre“, explican desde a SG Pontevedra.
Así foi a ‘Rara, pero San Silvestre’
Para poder levala a cabo respetando as recomendacións sanitarias, o percorrido dividiuse en 10 rutas, mesturando o centro de Pontevedra con zonas verdes e os arredores do Concello nos que se pode facer actividade física. O propio goberno local comprometeuse a manter limpas e en boas condicións estes circuítos para facilitar o deporte na rúa.
O mapa ‘Metro Silvestre’ recollía as diferentes rutas, e os participantes puideron apuntarse á súa preferida. Esta gráfica mostra o rexistro de corredores en cada unha delas ao longo do mes no que se levou a cabo.
No pistoletazo de saída participou unha representación dos atletas, contando co primeiro gañador da proba, Estanislao Durán, o atleta con máis vitorias, Víctor Riobó e a gañadora da última edición, Candela Sánchez, ademais de outras personalidades do Concello e da SG Pontevedra.
Case corenta anos de San Silvestre
Con esta edición especial, a carreira pontevedresa cumpliu os 37 anos celebrándose cada Nadal. De maneira conmemorativa, a Alameda de Pontevedra acolleu unha exposición con recortes de xornais e fotografías recordando a historia da San Silvestre. Esta mostra seguirá ata o 31 de xaneiro.
A San Silvestre percorre as rúas de Pontevedra en formato histórico
