Para afrontar o reto da Reto Iberdrola, o Dépor ABANCA conta cun novo adestrador. Miguel Llorente colle os mandos do primeiro equipo a piques de iniciar a pretempada.
“O obxectivo ten que ser un xogo vistoso. Xa o falei con elas, un xogo para que tanto os da bancada como os de dentro desfrutemos do fútbol. Creo que desde o desfrutar e o entender o xogo as vitorias van chegar”, explicou o técnico ante os medios en rolda de prensa.
Polo momento, Llorente aínda non quere apresurarse a poñer o ascenso no punto de mira: “Obviamente o obxectivo que temos todos en mente, tanto a afección, as xogadoras como o corpo técnico, é ascender, pero non creo que sexa a mellor maneira poñelo xa a tan longo prazo, cando aínda non comezamos. Así que a desfrutar adestramento a adestramento, partido a partido e a partir de aí xa veremos”.
Experiencia do Barça para o Dépor
Este adestrador chega cunha década de experiencia no CE Europa e no FC Barcelona, primeiro na Escola e despois no Barça B, onde estivo ata o 2020.
Miguel Llorente: “Simplemente oitar o nome do club atrae unha barbaridade”
Sobre a súa chegada ao Dépor ABANCA, Llorente admite que “simplemente oitar o nome do club atrae unha barbaridade. É un club histórico na liga española e no momento no que se deu a oportunidade non dubidei en ningún momento”.
O preparador admite ser seguidor do fútbol que caracterizou ao Deportivo, polo que en canto recibiu a chamada “non houbo ningún tipo de dúbida”.
Respecto á proposta, Llorente a tilda de “potente”, motivo polo cal aceptou unha chegada tan repentina. “Cando falei cos responsables do Dépor defininme como un supervivente. O mundo do fútbol é moi rápido, aquí e agora. O feito de que sexa tan potente a proposta e este cambio de vida tan radical a min me fortalece.”
Miguel Llorente: “Os equipos están formados por xogadoras e elas son as que mandan”
Miguel Llorente vén dun tipo de xogo marcado polo FC Barcelona, caracterizado por “ter o balón o máximo tempo posible”, algo que resulta unha vantaxe.
Porén, o técnico explica que “os equipos están formados por xogadoras e elas son as que mandan polas súas características e maneira de xogar. Eu intentarei asemellarme ao que creo, porque se non cres nalgo é difícil levalo acabo. Pero creo que a última palabra, pola súa maneira de xogar e de desempeñarse, vana ter elas.
Ademais, este é un adestrador acostumado a un equipo de curta idade. De feito, tendo como referencia ao Barça B, o técnico non considera que a media de idade do novo plantel deportivista sexa baixa.
Miguel Llorente: “Desvantaxes, pola media de idade, hoxe por hoxe non a vexo. Creo que é todo positivo”
Partindo da súa experiencia no filial culé, o madrileño declara que con este equipo “quedamos cuartas nun grupo moi similar ao deste ano, salvo por Dépor, Logroño e Espanyol. Como todo na vida ten vantaxes e inconvenientes. Como vantaxes, a media de idade, que para min non é tan xove, trae experiencia e unha maneira de entender o fútbol e saben ao que veñen. Desvantaxes, pola media de idade, hoxe por hoxe non a vexo. Creo que é todo positivo”, concluíu.
A ilusión dun novo equipo
Llorente acaba de chegar á entidade branquiazul, e confesa que os primeiros días “están sendo un pouco locura, porque está sendo todo rápido. Foron días intensos, pero coa ilusión coa que veño e as gañas de empezar iso vaise solventando”.
Miguel Llorente: “Atopeime a un equipo moi ben montado polo anteriores adestrador e secretario técnico, que creo que fixeron moi bo traballo”
Nesta liña, o adestrador chegou cun plantel xa conformado, que itlda de “moi ben montado polo anteriores adestrador e secretario técnico, que creo que fixeron moi bo traballo e un equipo con moita gana, con gana de coller o reto polos cornos e facer bos partidos xa de inicio para ir sumando puntos e lograr o obxectivo que creo que temos todos”.
Miguel Llorente: “As xogadoras entenden o que pasou e veñen coma eu, a empezar canto antes e a facer o que lles gusta”
Respecto a este repentino cambio no corpo técnico, o madrileño admite que non falou directamente do tema coas xogadoras, pero afirma que elas “entenden o que pasou e veñen coma eu, a empezar canto antes e a facer o que lles gusta facer e a tirar para diante. Atopeime a un equipo tranquillo, con gana e disposto a facer todo o posible para ter bos resultados”.
Cun plantel maioritariamente novo, no que as renovacións respecto a anterior tempada escasean, Miguel Llorente non ve ningún problema á hora de crear dinámicas de equipo. “O xogo do fútbol é un xogo de cooperación, asociación, polo tanto iso a min lévame aos inicios, no parque, na praza. Coñecías aos teus amigos xogando sen coñecelos de nada. A miña intención principal é que haxa moito rondo, moito xogo de posición, moita interacción entre elas, algún xogo de activación e xa está. Para min o xogo é a mellor forma de que se coñezan e formen equipo. A xogar, adestrar, divertirse, pasalo ben e o resto chegará só”, explicou.
O corpo técnico tamén conta con novidades, como a incorporación de Ana González como segunda adestradora.
Miguel Llorente: “Non me da medo dicilo. Creo que vai ser fácil porque é xente moi disposta”
O adestrador mostrouse confiado nos seus compañeiros, asegurando que “atopeime moi arropado. Creo que vai ser fácil. Non me da medo dicilo. Creo que vai ser fácil porque é xente moi disposta, eu exactamente igual, polo tanto estou encantado. Con Ana é unha marabilla. Adestrei dous días con ela e ao final cando a xente ten gana, ilusión e gana de colaborar e axudar o resto ven rodado. Un placer coñecelos e traballar con eles”.
