O Durán Maquinaria Ensino xa ten novo adestrador. Miguel Ángel Ortega será o encargado de encabezar o corpo técnico na próxima tempada en Liga Feminina Endesa. O club lucense presentará ao novo técnico o mércores 21 a partir das 12:30 horas.
Nado en L’Hospitalet de Llobregat, Ortega é un galego de adopción desde que fixo en Galicia o seu servizo militar. Agora chega a Lugo para poñer a disposición do Ensino a súa experiencia na máxima categoría do baloncesto español. O adestrador conquistou dous tripletes consecutivos de Liga, Copa e Supercopa entre 2016 e 2018 ao mando do Perfumerías Avenida.
O pasado no baloncesto galego de Ortega
Esta non será a primeira vez que Ortega se senta nun banco galego. O seu inicio no mundo do adestramento comezou con 27 anos como axudante no OAR Ferrol en Liga ACB na tempada 1985/1986. Pasou a ser o primeiro adestrador do mesmo equipo na 1989/1990. Un curso despois, foi Director Técnico na ACB e en 1992 iniciou a súa carreira no baloncesto feminino co AD Cortegada, onde estivo sete tempadas.
O seu seguinte destino foi o Celso Mínguez de Pontevedra en LEB 2 en Liga EBA durante outras sete campañas, ata chegar a Vigo para poñerse ao mando do Gestibérica en LEB 2, durante outras dúas tempadas. Tamén dous cursos foron os que pasou no Xiria, traballando coas categorías inferiores.
O seu debut na elite nacional chegou co Ibiza en Liga Feminina Endesa desde o 2010 ata o 2012. Para a seguinte tempada dirixiiu ao Burgos, quedando en quinto lugar e no seguinte ano ao Cadi La Seu, quedando cuarto clasificado. Na 2015/2016 mellorou a súa posición co Girona, acadando a segunda posición. Xa na 2015/2016 dirixiu ao plantel do Perfumerías Avenida ata o ano 2020.
Miguel Ángel Ortega llega a Lugo para dirigir al Durán Maquinaria Ensino.
🎙️🎥📸Será presentado ante los medios de comunicación este miércoles a partir de las 12:30 horas en la sala de prensa del Pazo Provincial. pic.twitter.com/UgmvvVUYUt
— Ensino Lugo (@EnsinoLugoCB) April 19, 2021
