Mentres no Grupo B da Ok Liga Feminina está todo decidido, no Grupo A quedan pendentes de disputa catro partidos aprazados e dous que se xogan nuns días. Todo se pode mover na clasificación xusto no posto clave: a cuarta praza. Só o HC Borbolla ten todos os seus partidos disputados nesta fase e sabe que xogará pola permanencia. A incógnita son a metade dos seus rivais. E non por non saber como xogan, se non por descoñecer quen serán.
Nese Grupo A da máxima categoría do hoquei sobre patíns, CP Las Rozas e Garatge Plana Girona CH están empatados apuntos e ademais enfróntanse entre si sendo 4º e 5º polo que ese cruce entre rivais directos será fundamental para decidir quen xoga por manter a categoría.
Tamén o será o partido entre Girona e Ene Oposiciones Cuencas Mineras. Se Las Rozas e Girona empatan e o Cuencas Mineras gaña, podería darse un triplo empate que decediría o golaverage.
Ata o Alcorcón, con sete puntos e dous partidos por xogar podería puxar por esa cuarta praza da táboa está no aire e véndese cara. Según se vaian celebrando partidos, as calculadoras empezarán a facer contas. As combinacións son moitas para decidir os catro rivais que aínda descoñece o Borbolla.
O único partido que non importa para a permanencia, e si para a loita polo título, é o que xogarán Magic Studio CP Manlleu e Telecable HC. Elas, catalás e asturianas, están noutra lea, a de facerse co título da Ok Liga Feminina.
No Grupo B todo o peixe está vendido. Xogarán pola permanencia: CP Esneca Vila-Sana, Igualada Feminí HCP, CP Vilanova e Areces Ecopilas Asturhockey. E polo título loitarán as escuadras do: Generali HC Palau de Plegamans, CP Voltregá Stern Motor, CHP Bigues I Riells e PHC Sant Cugat.
