Melilla acolle o España vs Brasil, un partido de altura con representación ‘galega’ en ambas seleccións

Melilla acolle mañá, luns 21 de marzo, un partido entre dúas seleccións de gran altura no futsalfem internacional: España e Brasil. Nesta cita a representación galega é significativa en ambas as dúas escuadras tendo en conta non so as futbolistas nacidas en Galicia senon tamén aquelas que defenden as cores de equipos galegos.

Botemos contas, na Roja que adestra Clàudia Pons atopamos a Silvia Aguete, Jenny Lores, Luci Gómez e Ale de Paz, pero tamén ás galegas de ‘adopción’ Irene Samper, Dani Domingos e Peque. E se miramos nas filas da selección canarinha, con Brasil xogan nada menos que catro ‘Guerreiras Laranxas’ do Burela: Jozi Oliveira, Emilly Marcondes, Cami e Cilene. 

Das 16 xogadoras citadas pola seleccionadora Clàudia Pons para incorporarse ao combinado estatal estaban catro galegas que repiten esta Selección Española Absoluta feminina de fútbol sala. Silvia Aguete (Ence Marín Futsal), Jenny Lores (Ourense Envialia FSF), Luci Gómez (Poio Pescamar FS) e Ale de Paz (Pescados Rubén Burela). A lista sube a sete se sumamos ás tres burelistas Irene Samper, Peque e Dany Domingos, que tamén recibiron a chamada para xogar en Melilla.

⚽En estos días de parón en la competición, nuestra portera
Silvia Aguete @silviaagu12
está concentrada con la
selección nacional absoluta preparando un encuentro amistoso contra Brasil, que se celebrará
el día 21.

⚽Enhorabuena Silvia!!!!!! pic.twitter.com/EqpjT0WIQ1

— Marín Futsal (@marin_futsal) March 18, 2022

O obxectivo inicial desta convocatoria era o de traballar na preparación da próxima fase final do Europeo, que se ía a celebrar na localidade portuguesa de Gondomar de 23 ao 25 de marzo. Con todo, a UEFA decidiu pospoñer a final a catro polo título continental, debido á guerra de Ucraína. Así, finalmente a Roja estivo concentrada, xogou un amistoso cos cadetes do Movistar Inter FS que gañou 4-3. Pero o prato forte é o amistoso con Brasil que se xoga o luns 21 de marzo en Melilla.

Así falaban tras ese partido co Movistar Inter FS tanto a seleccionadora, Clàudia Pons, como a internacional do Burela, Patricia González Mota Peque. Opinan ambas as dúas, adestradora e xogadora, sobre o partido disputado, pero tamén ao respecto do que xogarán ante unha ‘europeiada’ a Selección de Brasil ante a que teñen ganas de medir forzas.

🗣️🎙️ 🇪🇸 Clàudia Pons y Peque hablan tras el partido ante @AcademiaInterFS.

👤 @ClaudiaPons8: “La valoración es muy positiva y las chicas han estado muy bien”.

👤 @pgmota7: “Nos cruzamos con una de las mejores selecciones del mundo y va a ser un partidazo”.#SomosFutsal ⚽ pic.twitter.com/gYQSqVkoFY

— Selección Española Femenina de Fútbol (@SeFutbolFem) March 17, 2022

Melilla acolle un partido coas dúas mellores xogadoras do mundo

O equipo que adestra Clàudia Pons disputará o luns 21 de marzo en Melilla un partido amigable diante a canarinha: España-Brasil. Quizá sexa o mellor partido que se pode ver no mundo do fútbol sala. A Selección Feminina de Fútbol sala desprazaranse hoxe, 20 de marzo ata Melilla, que será o escenario do encontro.

O partido terá lugar ás 20:30 horas no Pavillón Javier Imbroda Ortiz. A Selección Española Feminina de Fútbol sala estivo concentrada na Cidade do Fútbol de Las Rozas preparando devandito encontro.

Hai uns días, na presentación do partido, o Conselleiro de Infraestructuras, Urbanismo e Deportes, Rachid Bussian, comentaba que “se van a dar cita o luns en Melilla as dúas mellores seleccións do planeta, con Amandinha e Peque, a número uno e dous do Mundo, cada unha nunha selección. Será todo un espectáculo”.

O presidente da RFMF (Real Federación Melillense de Fútbol), Diego Martínez, explicaba que “este partido será televisado en directo por Teledeporte para que todos poidan velo. Será o primeiro dos tres grandes eventos que a Real Federación Española de Fútbol designou que se celebren na nosa cidade aos que agradezo a súa confianza”.

Catro Guerreiras Laranxas con Brasil 

A representación ‘galega’ da Selección do Brasil, nesta caso por aquelo de que xogan no Pescados Rubén Burela, son as futbolistas Jozi Oliveira, Emilly Marcondes, Cami e Cilene.

¡Ya visten la camiseta de 🇧🇷 @CBF_Futebol!

👉@Jozi_Oli1
👉@EmillyMarcondes
👉@CamilaGadeia
👉@cilenefutsal06 #futsalfem #brasil #selección #futsal #burelafs pic.twitter.com/UpMmxVuENb

— Pescados Rubén Burela FS (@burelafs) March 18, 2022

Así, ENCE Marín Futsal, Ourense Envialia, Poio Pescamar e Pescados Rubén Burela achegan xogadoras a este partidazo internacional de cinco contra cinco.

Nesta convocatoria inicial de Clàudia Pons houbo modificacións por mor de lesións. Así, as xogadoras da Selección Española Feminina de Fútbol sala, María Sanz e Amelia Romero, abandonaron a concentración na Cidade do Fútbol das Rozas tras causar baixa por lesión.

María Sanz sofre unha lesión muscular de grao I e foi tratada durante os últimos días, pero debido a que non vai poder participar no partido contra Brasil, causou baixa. Amelia Romero, que chegou con molestias no xeonllo, non puido realizar ningunha das sesións durante toda a concentración, polo que tamén causou baixa. Deste xeito, xa non chegaron a viaxar a Melilla para enfrontarse a Brasil e regresaron co seu club de orixe.

👋🏼 ¡Hola Melilla! ¡Ya estamos aquí! 🛩️

👨‍👩‍👧‍👦 ¡Increíble el recibimiento! ¡Os lo agradeceremos mañana sobre la pista! 👏🏼 👏🏼 👏🏼

ℹ️ @SeFutbolFem Sala 🇪🇸 🆚 🇧🇷 Brasil (Lunes a las 20:30 horas)

🎟️ Entradas: https://t.co/Hs2I31JdG4#SomosFutsal ⚽ pic.twitter.com/GH7K0zIPJm

— Selección Española Femenina de Fútbol (@SeFutbolFem) March 20, 2022