Un total de 10.213 licenzas son as que ata o día de hoxe, están tramitadas na Federación Galega de Atletismo, segundo informa a propia federación, o que “representa unha consolidación” ao crecemento rexistrado das últimas tempadas, “tan só ralentizadas durante o ano 2020 por mor da crise sanitaria”, explican desde a entidade.
En concreto o número de licenzas femininas é de 4.615 o que representa un porcentaxe do 45,18% polos 5.598 das masculinas e o 54,81% do total, que colocan ao deporte femenino a unha diferenza de 9 puntos.
Este dato, malia que importante, apunta a un salientable recorte nos últimos anos como así o demostra o feito de que no ano previo a pandemia, o 2019, a diferenza fora de algo máis de 12 puntos.
Máis xuíces e técnicos no atletismo galego
No apartado de xuíces, as distintas campañas levadas a cabo polo Comité Galego de Xuíces de organizar cursos, está dando os seus froitos xa que un total de 232 xuíces son os que contan con licenza este 2023 o que representa un incremento do 10,34% en relación ao seu número de 2022.
Salienta tamén desde a Federación o feito de que “ca posta en funcionamento por parte da Federación Galega de Atletismo da primeira promoción do Ciclo Inicial de Grao medio en Atletismo do CEAGA (Centro de Ensino do Atletismo Galego), o apartado formativo de adestradores verase notablemente reforzado no que se considera un dos eixos prioritarios de atención para este periodo. Con todo elo, neste 2023 son 131 os adestradores e adestradoras quen contan con licenza federativa, representando este número un incremento do 3,14% con respecto ao mesmo periodo do ano pasado”.
….
1️⃣0️⃣2️⃣1️⃣3️⃣ é o número total de licenzas tramitadas na FGA ata o día de hoxe entre todos os estamentos do noso deporte o que supón a consolidación dunha clara tendencia de medre anual.@UFEDEGA_ @deportegalego pic.twitter.com/zvfiT4q2pi— Atletismo Galego (@atletismogalego) October 6, 2023
