Ata tres xogadoras do conxunto coruñés de rugby CRAT Residencia Rialta participarán desde o domingo, 29 de novembro, nunha concentración da Selección Española de rugby XV. As convocadas, Paula Medín ‘Alevín’, Mónica Castelo e a Paula Requena, xa contan experiencia co combinado nacional e disputarán o sábado, 5 de decembro, o Partido de las Estrellas Iberdrola.
Esta cita reúne ao conxunto das xogadoras internacionais con outro das mellores xogadoras de División de Honor e a Liga Iberdrola. O partido será o colofón a unha concentración que, mentres non se confirman datas para os partidos contra Rusia e os Países Baixos do Campionato de Europa, busca recuperar a motivación para competir e recuperar o ritmo das Leonas. Mentres a competición europea está en stand by, as xogadoras tampouco saben se poderán disputar o clasificatorio continental con Irlanda, Escocia e Italia en caso de proclamarse campioas de Europa.
Así, as xogadoras convocadas por José Antonio Barrio, estarán convocadas durante unha semana en Villajoyosa. O principal obxectivo que teñen por diante é o de chegar na mellor forma física posible ás citas que serán decisivas para a clasificación do Mundial de Nova Zelanda do 2021.
👏Convocadas por el seleccionador de @leonasrugby @ferugby , @yunque7 para preparar el #AllStar vs Selección de la @DHIberdrola
📆 Del 29-N al 6 de diciembre en #Villajoyosa
Paula Requena
Paula Medin @SobraUnaSilla
Monica Castelo @Mona_Castle🔗 https://t.co/Z8xP66l4xQ pic.twitter.com/w539nRpjH7
— C.R.A.T. A Coruña 😷 (@CRAT1976) November 26, 2020
Un CRAT internacional coas Leonas
Das tres representantes do equipo galego, Paula Medín é a máis veterana. Despois de participar coa Selección en 42 ocasións, actuará desta cez como capitá da escuadra. O CRAT aumenta ademais o seu número de internacionais coa recente incorporación de Paula Requena, que foi presentada hai tan só uns días.
Ademais, tanto Medín como Castelo participan tamén na iniciativa ‘Yo seré Leona‘, para incentivar a práctica do rugby entre as nenas. Na cuarta edición do Partido de las Estrellas, as madriñas vestirán as medias dun dos clubes que amadriñan para mostrar o seu apoio á campaña.
Alevín Medín, Elsa Porto e Mónica Castelo súmanse á campaña “Yo seré Leona”
