- Coruña21 afronta as últimas horas do primeiro prazo de inscrición, o máis económico (18 euros), para correr a décimo quinta edición da media maratón.
O departamento de deportes de El Corte Inglés, dentro do seu horario comercial, tramita as inscricións de maneira presencial e ata este sábado (28 de xaneiro de 2023), incluído, poden formalizarse coa cota ordinaria. No caso de Internet, estarán dispoñibles ata este domingo (29 de xaneiro de 2023) ás 23.59 horas.
Dende o luns (30 de xaneiro de 2023), a cota de inscrición na media maratón subirá a 30 euros, que estará en vigor ata o 5 de febreiro de 2023 (un día antes na opción presencial).
Xa son máis de 900 persoas as que se apuntaron a media maratón que se se vai correr sobre o asfalto herculino o 12 de febreiro de 2023.
Nas rúas da Coruña está preparado un circuíto plano (Coruña21 dálle unha volta ao seu circuíto), a nivel do mar, disposto para lograr boas marcas nesta distancia de media maratón. De feito, este ano a carreira contará con lebres para poder afrontar o reto en seis velocidades diferentes.
Coruña21 contará con ‘lebres’ que tirarán do grupo para acadar marcas deportivas na cidade herculina
En paralelo, realizarase unha carreira 5K (A C21 estrea compañeira de viaxe, unha 5K ) que conta xa con preto de 300 persoas inscritas. Neste caso, a cota é de 3 euros para maiores de 18 anos e gratuíta para menores de idade, do mesmo xeito que no resto de carreiras que organiza o Concello da Coruña, co obxectivo de fomentar a actividade física desde idades temperás. O prazo de inscrición cérrase, neste caso, o 5 de febreiro de 2023.
