A galega Ainoha García (-68, Couto) logrou a medalla de prata no Campionato de Europa Júnior de taekwondo. A deportista convertese así en subcampioa de Europa tras gañar tres combates e so caer na final. A tamén galega Cloe Iglesias (-63, Patiño) fíxose coa medalla de bronce.
Segundo informa a Federación Galega de Taekwondo, Ainoha García (-68, Couto) logrou a medalla de prata no Campionato de Europa Júnior. A galega comezou a competición contra a grega Andriana Levanti e Ainoha García non deu opción a súa rival, gañando por diferenza de 20 puntos no segundo asalto. Posteriormente enfrontouse a Busra Ozturk (Turquía) e esta vez tocou sufrir un pouco más. Comezou igualado (ao final do primeiro asalto, 0-0), pero a taekwondista galega soubo manter a calma e esperar o momento para porse por diante e lograr a vitoria por 4-9.
Xa estaba na semifinal e tiña o metal garantido. Pero Ainoha García quería máis e na semifinal esperaba a checa Izabela Ranecka. Outra vez, a deportista galega foi moi superior e gañou 1-12, para plantarse na final onde se enfrontaría a unha durísima rival, a rusa Anastasiia Kosmycheva, campioa de Europa cadete (2018) e sub 21 (2021). Esta vez Ainoha García non puido coa rusa, ainda que no primeiro asalto ían empatadas (3-3), pero despois Kosmycheva atopou un oco para puntuar e indo por detrás no marcador, a galega tivo que arriscar e finalmente caeu 13-3, quedando desta forma como subcampioa de Europa Júnior, despois de facer un gran torneo.
O bronce de Cloe Iglesias
Na mesma competición Cloe Iglesias (-63, Patiño) subiu ao podio tras lograr a medalla de bronce no seu peso. A deportista galega comezou a competición no europeo junior de taekwondo ante a representante de Gran Bretaña, Beth Christy. A galega fixo un primeiro asalto brillante que lle permitiu escaparse con moita diferenza e despois so tivo que manter a distancia para vencer de 20.
Nos cuartos de final enfrontouse a Vilma Hagelberg (Finlandia) e novamente Cloe Iglesias foi moi superior para imporse por 13-1. Na semifinal esperaba a grega Sarvanaki. No primeiro asalto comezou puntuando Iglesias e estivo moi rifado, pero despois a grega logrou escaparse no marcador (17-7) para garantir así o pase á final. Aínda así, foi fantástica a actuación de Cloe Iglesias.
Ver esta publicación en Instagram
Bronce de Sergio Troitiño
Sergio Troitiño (+78, Mat´s) acadou a medalla de bronce no Campionato de Europa de Sarajevo. Sergio Troitiño comezou a competición contra o suizo Kevin Brink en oitavos de final e o galego venceu con comodidade (17/6). Nos cuartos Sergio Troitiño enfrontouse ao polaco Wiktor Pajdzik, que foi un rival duro xa que buscou en todo momento sácalo do tapiz. Pese a todo, gañou o galego por 19/12.
E nas semifinais o rival era o ucraíno Ilya Lipatov, ante o que caeu por un axustado 14/10. Magnífico traballo de Sergio Troitiño e de todos os galegos presentes no Europeo, xa que en total foron tres as medallas acadadas.
Javier Otero (-45, Kae Sport) quedou as beiras da medalla. O primeiro combate foi contra Mussa Marwan (Suecia) e Javier Otero venceu por diferencia de 20 puntos. Nos cuartos de final, no paso ás medallas, caeu ante Owen Blunt (Gran Bretaña) nun combate moi intenso e axustado.
