A segunda fase da Liga Nacional de Karate deixou grandes resultados para as karatekas galegas. Á cita celebrada en Azkoitia acudiron varias deportistas, entre as que destacaron Cristy Tojo e Ruth Lorenzo.
A primeira delas, do Club Ávalon Kai, competiu na categoría de Para-Karate Discapacidade Visual, colgándose a medalla de ouro.
Pola súa banda, Ruth Lorenzo, do Club San Francisco Teo, participou en kumite sénior -55kg, acadando un bronce coa sua terceira posición.
Nesta competición entre as galegas tamén estivo Lucía Guerrero, do Renbukan, quen quedou preto do podio, chegando a loitar pola medalla de bronce, pero finalizando na quinta posición.
Próxima cita: XLIII Trofeo Princesa de Asturias
A seguinte cita para as karatekas galegas terá lugar o 23 de outubro en Oviedo, no marco do XLIII Trofeo Princesa de Asturias.
Ata a capital asturiana desplazaranse para competir en kumite Ruth Lorenzo, Lucía Guerrero e Lucía Herrero.
O equipo das galegas complétase con Alejandro Felpeto, Víctor Mallo e Nicolás Pinaque nas categorías masculinas e José Ignacio Muñoz e David González como árbitros.
