- O club recupera a nomenclatura Mecalia Atlético Guardés.
- A firma de José Manuel Silva, expresidente e agora xerente do club, será de novo o primeiro patrocinador tras un ano en segundo plano.
Tras un ano de pausa, regresa o Mecalia Atlético Guardés. A firma guardesa convértese de novo no patrocinador principal do club, o que implica un cambio na súa nomenclatura, bueno, en realidade, prodúcese un retorno á anterior.
A empresa que preside José Manuel Silva, expresidente e actual xerente da institución, cohabitará en harmonía co resto de sponsors. De feito, o seu logo continuará na parte traseira da camiseta e non na frontal. Deste xeito, o Atlético Guardés recupera o nome que lle acompañou na etapa máis gloriosa da súa historia.
Desde o seu ascenso, en 2012, Mecalia estivo presente nas diferentes clasificacións para competicións europeas, así como no título de Liga do curso 2016/17, o fito máis importante nos 54 anos de vida da entidade.
O ano pasado, a firma miñota deixou de ser o patrocinador principal pero seguiu apoiando activamente ao club, igual que o fixo en División de Honra Prata, desde 2009, cando José Manuel Silva desembarcou na institución.
Ademais de Mecalia, o Guardés terá a honra e a sorte de seguir contando co apoio de varios dos seus patrocinadores habituais. Un deles é Eutimio. A entidade miñota e a firma electrónica ha renovado a súa relación e o club continuará gozando do soporte e o empuxe da empresa guardesa.
