O Mecalia Atlético Guardés perde claramente na cancha do Besançon (34-23)

• O equipo que adestra o técnico José Ignacio Prades deixoullo todo na pista, pero non puido co poderío do conxunto francés

O ES Besaçon Feminin superou con claridade ao Mecalia Atlético Guardés no partido de ida da terceira rolda previa da liga Europea. Fíxoo sen paliativos, nun partido moi pelexado por parte das xogadoras que prepara José Ignacio Prades. O conxunto miñoto deixouno todo na cancha do Palais deas Sports Ghani Yalouz a pesar da clara derrota por once goles de diferenza que trae de volta para terras galegas.

Desde o primeiro minuto do encontro viuse que a temperatura ía ser alta no pavillón francés. Porque antes de que pasasen eses 60 segundos iniciais, Gabriela Pessoa xa fora excluída con dous minutos. A primeira, na fronte. A pesar de todo, o equipo miñoto aguantou o tipo no ritmo frenético que propuxo o conxunto local, empuxado polo alento dos seus afeccionados nas bancadas.

Aos 10 minutos, o Mecalia Atlético Guardés estaba un abaixo (4-3). Entón chegou o acelerón local. O ES Besaçon Feminin foise a tres de vantaxe (6-3) con goles de Robert e Aoustin. Xa con esa brecha ao seu favor, o equipo galo aceptou o intercambio de golpes de bo grado, para sacar a relucir a súa pegada. Así, o Mecalia Atlético Guardés mantíñase en desvantaxes de ao redor dos catro goles.

Nos compases finais do primeiro acto, axustouse mellor en defensa e recortou. Pero dunha bóla para poñerse a dous goles, pasouse inmediatamente a dous tantos consecutivos das francesas, que se foron ao descanso cunha notable diferenza no marcador electrónico (18-12).

3è Tour de la Coupe d’Europe de handball @EHFEURO . @ESBF_Handball en tête à la pause (18-12). Les Bisontines gardent la distance face à @atleticoguardes. pic.twitter.com/zA3WHgvFs4

— Radio Plein Air (@radiopleinair) November 13, 2021

O Guardés loitou por manterse vivo para o partido de volta na Sangriña

O inicio do segundo acto ía ser clave. Se non para o partido, si polo menos para a eliminatoria. Traela viva á Sangriña pasaba a ser o obxectivo principal das xogadoras que prepara o técnico José Ignacio Prades. As deportistas do conxunto galego tentárono por todos os medios, pero sen sorte. Dous goles consecutivos de Robert e Nosek caeron como un xerro de auga xeada. De súpeto, o Mecalia Atlético Guardés estaba oito goles por abaixo (20-12).

#Handball @ESBF_Handball mène 18- 12 à la mi-temps contre les Espagnoles de l’Atletico Guardes en Coupe Europe #EHF ! pic.twitter.com/UkeqCaCxiU

— France Bleu Besançon (@bleubesancon) November 13, 2021

Só quedaba levantar a cabeza e remar. E o equipo visitante tentouno sen descanso no medio dun carrusel de exclusións que acabaron con Gabi Pessoa e a local Cusset descualificadas. Dese modo entráronse nuns minutos finais que se converteron nunha contrarreloxo para tratar de minimizar na medida da posible as perdas. Pero o Besançon non levantaba o pé. Seguiu apertando ata o final ata elevar a diferenza final aos once tantos.

A volta deste partido da Q3 da EHF European League celebrarase o vindeiro domingo 21 de novembro ás 19:00  horas na cancha guardesa. O ‘Inferno da Sangriña‘ apoiará ás galegas na súa loita por seguir adiante na competición continental. Once goles é a reda do conxunto francés do ES Besaçon Feminin.

 

Ver esta publicación en Instagram

 

Una publicación compartida de ESBF Handball (@esbf_handball)

FICHA TÉCNICA