- Haberá máscara e non test de detección para o futsal, o gaélico e o fútbol base.
Segundo informa a Real Federación Galega de Fútbol, o fútbol base (salvo a liga Galega Xuvenil), o fútbol sala e o Fútbol Gaélico non precisarán test de detección da COVID-19 cada 14 días como nas outras categorías, pero, a cambio, e deben usar a máscara facial tanto para o tempo de adestramento como para a competición.
De acordo coas recomendacións da Xunta, a RFGF decidiu aprobar o uso da máscara en todas as categorías do fútbol base (a excepción da Galega Xuvenil) e tamén en todas as competicións do fútbol sala, tanto de sénior como de base, e igualmente no fútbol gaélico.
A decisión do uso da no Fútbol Gaélico responde incluso a unha petición expresa dos propios clubs e deportistas, que preferían esta opción para poder reanudar a competición.
O Futsal precisa máscara ao ser un deporte de contacto en espazo pechado
A extensión do uso da máscara a todas as categorías do fútbol sala responde á unha recomendación da Secretaría Xeral para o Deporte, posto que se trata dunha especialidade deportiva que se practica en interior, en espazos pechados, o que garante unha óptima funcionalidade da máscara, a cal ao aire libre vese máis afectada polas situacións meteorolóxicas e tamén polo contacto con superficies como a herba ou a terra.
O fútbol sala réxese deste xeito pola mesma medida de protección que todos os demais deportes galegos con contacto que se practican en espazos pechados (balonmán, baloncesto, hockei a patíns, taekwondo…)
