As futbolistas Sandra Blanco e Martita Fra seguirán nas filas do 5 Coruña Fútbol Sala na tempada 2021-22, segundo informa o club coruñés que este curso militará na Segunda División da RFEF.
Sandra Blanco Mato (08/01/1999, A Coruña) prolongará a súa relación coa familia vermella para desfrutar do agasallo da Segunda División Nacional. Desde que chegou ao 5 Coruña Futbol Sala “sempre tivo claro que éste era o seu sitio”, din desde o club herculino. A deportista afirma sentirse moi querida e moi a gusto, e cree na idea do club ao 100%.
A súa traxectoria vén precedida de etapas en equipos como Colegio Liceo La Paz F.S., Viaxes Amarelle FSF , Grupo Work FSF – C.D. Seguridade Galega. “Actualmente é a segunda xogadora do equipo coruñés con máis tempadas consecutivas en activo”, explican desde o 5 Coruña Fútbol Sala. No club asegura que a sensación que lle deixou a pasada tempada foi moi boa.
“A tempada pasada foi máxica. Un soño feito realidade. De verdade que sempre que penso no que acadamos, sorrío soa. É unha desas cousas que hainas que vivir para sentilas ao cento por cento. Logo de tanto traballo e esforzo, conseguilo é super gratificante. Merecíamolo a nivel grupal e individual, tanto no deportivo coma no persoal. Por min e por todas as miñas compañeiras. Este ano ten sido extraordinario en todos os sentidos. Un grupo humano de 10″, di a Sandra Blanco.
Con esta renovación, a xogadora herculina cumplirá a súa sexta tempada no equipo. O motivo da súa continuidade non é outro que o sentirse moi identificada e cómoda no club. “Síntome moi querida neste club. Penso que onde esteas ben, e sexas ti mesma, é onde hai que estar. E o 5 Coruña FS é a miña casa. Sempre estiveron moi atentos e apoiándome en todos os meus momentos bos, e sobre todo, nos m alos. Quero seguir sumando no 5 Coruña e quere poder levalo ao máis alto cada ano. Creo na idea”.
Consultada polas súas expectativas de cara á tempada 2021/2022, Sandra Blanco explica: “A priori vai a ser un ano moi duro. Sabémolo todas, pero sei e estou certa de que imos seguir gozando do fútbol sala como até agora. Imos xogar e sorrir. Seguiremos traballando e demostrando do que somos quen. Pasarémolo ben e conseguiremos a permanencia, pero sobre todo, gozaremos da categoría pasándoo ben. Nós cremos na idea!”.
Martita Fra tamén segue no 5 Coruña Fútbol Sala
A lucense Martita Fra, (Xove 10/5/1988) é outra das futbolistas que continuará a súa traxectoria nas o vindeiro curso nas filas do 5 Coruña Futbol Sala. A deportista toma esa decisión logo dunha tempada no club herculino experimentado un crecemento e unha aprendizaxe por riba do que ela mesma esperaba, ademais de ter conseguido o ascenso a categoría estatal.
A propia xogadora recoñecía o satisfeita que sentía despois da súa primeira tempada no equipo. “A nivel persoal foi unha aprendizaxe moi por encima do que me esperaba. A nivel colectivo… Un grupo humano incrible, sen dúbida ou mellor do ano mesmo por encima dás vitorias e do ascenso”, manifestaba Martita Fra.
“Este equipo engancha e fai que queira seguir aprendendo, quero que sigamos gozando xuntas, quedamos practicamente as mesmas e creo que a progresión está precisamente aí”, explicaba a futbolista lucense.
Martita Fra ten claras as súas expectativas para a tempada21/22: “Sendo conscientes de que será un ano difícil con que sexa a mitade de xenial que a 20/21 serei feliz, seguir medrando xuntas é ou obxetivo e se é posible, manternos, pero só se é posible, e só se vai collido dá man do goce.”
