Boas novas para o conxunto coruñés do Viaxes Amarelle FSF. O técnico, Jorge Basanta, poderá, se o desexa, contar coa achega de Martita de cara á disputa do play-off de ascenso. A deportista herculina ten a alta médica e comezou a traballar co grupo.
Concluídas as dúas primeiras semanas de preparación para esa fase de ascenso, do cadro herculino do Viaxes Amarelle FSF, chegan unha alegría coa incorporación ao traballo en grupo da futbolista galega, Martita López-Pardo; que recibiu a alta médica o martes.
O cadro dirixido por Jorge Basanta, necesitaba recibir algunha boa noticia para este play-off; e esta semana chegou, despois de que o martes 16 de xuño, os médicos da Mutualidad desen a alta médica para a práctica deportiva á deportista.
Martita López-Pardo levaba apartada da cancha de 40×20 desde o pasado mes de decembro; cando se lesionou nun partido da Selección Galega. Desde entón a xogadora estivo en varios momentos con dúbidas dos médicos de se tiña que pasar polo quirófano ou non. E finalmente, e grazas ao traballo individual e de coidado da xogadora, permitiu que a mozo herculina haxa conseguido a alta médica para a práctica deportiva; e desta maneira poderá participar no encontro decisivo polo play-off de ascenso, que terá lugar o próximo 25 de xullo.
Martita realizou o test do COVID-19 co resto de xogadoras o sábado previo ao comezo dos adestramentos; e compartiu cancha coas súas compañeiras durante os primeiros días; aínda que realizando traballo preventivo, mentres non obtivo a alta médica deportiva, que os médicos lle deron este pasado martes.
En función da súa posta a punto, Martita podería ser da partida o 25 de xullo
Xa incorporada ao grupo, o equipo de Jorge Basanta segue coa preparación para ese único partido onde se decidirá todo o traballo da tempada, e que terá lugar o vindeiro sábado 25 de xullo, en horario e localización aínda pendente de determinar.
As herculinas aínda teñen cinco semanas de traballo por diante, unha vez cumpridas as dúas primeiras; onde o corpo técnico atopouse cun persoal nun bo estado de forma e con todas as ganas de loitar pola vitoria no partido que terán que dirimir no play-off exprés exposto desde a RFEF.
