Todo apunta a que a tempada rematou para Martita pero a futbolista do Viaxes Amarelle xa está un paso máis cerca de volver ás canchas de xogo logo de ter pasado por quirófano. A deportista do club laranxa foi sometida a unha intervención cirúrxica no Quirón Salud da Coruña para reparar o seu ligamento cruzado anterior.
O equipo herculino informaba nas súas redes sociais de que a intervención médica a Marta López, Martita, tiña sido un éxito ao tempo que desexaba á deportista unha pronta recuperación. “Agora comeza o traballo para voler ás canchas. Todo o club está volcado con ela”, indicaban desde a conta de Twitter do equipo coruñés.
O retorno de Martita, sen data fixada
A volta ás pistas da futbolista do Viaxes Amarelle non ten aínda data. A evolución da recuperación de Martita será o que ditamine cando pode ir avanzando no camiño ao seu retorno á competición.
O adestrador do conxunto galego, Jorge Basanta, perde así un efectivo para afrontar a segunda volta da competición na Primeira División do Fútbol Sala Feminino da RFEF onde as coruñesas do Viaxes Amarelle loitan por manter a categoría.
O Viaxes Amarelle ocupa a sétima posición no Grupo A da Primeira División do FutSal feminino estatal. Suma seis puntos froito de dous partidos gañados. Nesta fase da competición (estase xogado a segunda volta da liga regular), ten por diante oito partidos.
Marta López, Martita, lesionouse nos últimos minutos do partido contra o Ourense Envialia. Lamentablemente esa circunstancia apartouna no só do Viaxes Amarelle, senon tamén da concentración coa Selección Española Sub-21 para a que estaba convocada.
Unha lesión alonxa a Martita da convocatoria coa Selección sub-21
🏥💪⚽️ UN DÍA MENOS ‼️
La segunda capitana del @amarellefsf, @maartitaa9, ha sido operada con ÉXITO de la rotura de LCA, en la mañana de este martes en el @quironsalud de A Coruña.
Ahora empieza el trabajo para volver a las canchas, y donde todo el club 🧡 está volcado con ella pic.twitter.com/mE3nQHDuHv
— Viaxes Amarelle FSF (@amarellefsf) January 7, 2021
