Esta fin de semana o HC Borbolla saltaba a pista do pavillón de Monte Alto na Coruña coa firme intención de pórlle fin a súa racha de arranque ausente de vitorias. Parecía que a cousa podería cambiar nesta xornada pero logo de ir gañando 2-0 o máximo representante galego na Ok Liga feminina rematou por perder por 2-7.
Entre das circunstancias que marcaron o partido está a lesión na primeira metade da gardamallas chilena Fernanda Tapia. A porteira tivo que retirarse da pista axudada polas súas compañeiras. No seu lugar entrou a galega Edén Avecilla, unha xogadora moi nova pero que xa contou con partidos ao principio de Liga. A deportista coruñesa, pese a saír en frío, fixo unha boa actuación. Iso non evitou que o equipo se desorientase os minutos suficientes para deixar ao Cerdanyola entrar no partido.
O adestrador das ‘tomatitas’, Santi Martínez, está triste polo resultado pero satisfeito do nivel de competitivo que amosaron as súas pupilas.
Silvia Carregal: Que lectura tiras do partido desta fin de semana contra o Cerdanyola?
Santi Martínez: Creo que na primeira metade demostramos que lle podemos competir de ti a ti a calquera equipo da Ok Liga, que non desentonamos para nada en esta categoría. Demostrámolo a pasada semana en Manlleu e esta vez na casa contra do Cerdanyola. Neste partido, a pesar do resultado avultado, por momentos fomos superiores.
Silvia Carregal: Coñécese o lancance da lesion da porteira Fernanda Tapia?
Santi Martínez: Semella que é unha contratura, pero vánselle facer provas hoxe luns.
Santi Martínez, adestrador do HC Borbolla: “Creo que na primeira metade demostramos que lle podemos competir de ti a ti a calquera equipo da Ok Liga, que non desentonamos para nada en esta categoría. Demostrámolo a pasada semana en Manlleu e esta vez na casa contra do Cerdanyola. Neste partido, a pesar do resultado avultado, por momentos fomos superiores”.
Silvia Carregal: Na túa opinión, como influiu que tivese que deixar a pista e que entrase Edén sen poder casi asimilar que lle tocaba xogar?
Santi Martínez: Fer é unha das mellores porteiras da Ok Liga. Tense que notar a súa marcha nun deporte como o hoquei a patíns no que a porteira representa un 70% dun equipo. Por riba, Edén tivo que entrar en frío. Aínda así, fíxoo moi ben.
Silvia Carregal: Erráronse bastantes faltas directas. A que puido ser debido?
Santi Martínez: Si. Faiaronse. Normalmente a todos os equipos cústalles materializar este ipo de xogadas. E nós somos un equipo ao que lle custa marcar gol.
Silvia Carregal: Como están os ánimos no grupo?
Santi Martínez: Saímos fastidiadas do partido por como se desarrollou. Pero á vez contentas por como competimos.
