Galicia contará un trío de representación nas oito comisións que a Real Federación Española de Atletismo (RFEA) acaba de facer públicas e que actuarán, segundo contemplan os seus propios Estatutos, como órganos de funcionamento da citada entidade. Farono en condición de vogais e son: María José Martínez Patiño, a Sociedade Gimnástica de Pontevedra e Guillermo Sanido. Así o comunicou a Federación Galega de Atletismo.
Como novidade destacada, segundo explica a FGA, figura o nome na Comisión de Inclusión e Diversidade da ex-atleta internacional dos anos oitenta nos 100 valos, María José Martínez Patiño quen non forma parte da Asemblea Xeral. No seu amplo curriculu figura o de profesora de Ciencias da Educación na Universidade de Vigo e membro da Com. Bioética do COI.
A Comisión de Inclusión e Diversidade está presidida por María Isabel García López e figuran como vogais, ademais de María José Martínez Patiño, Sara Andrés Barrio, David Guerrero González, Cristina Lara Pérez, Enrique Sánchez-Guijo Acevedo e como coordinadora, Marta de la Revilla García.
A Sociedade Gimnástica de Pontevedra, na Comisión de clubs
Na C. de Clubs estará a Sociedad Gimnástica de Pontevedra quen forma parte da Asemblea Xeral da RFEA. O club Pontevedrés é na actualidade o único equipo galego masculino que milita na máxima categoría nacional xunto ao Ría Ferrol que o fai na categoría feminina.
Outros dos membros que pertence a Asemblea Xeral e que foi nomeado para formar parte da de Xuíces é o viveirense Guillermo Sandino pertencente ao panel de Xuíces Internacional de Marcha da AEA e que xa fora nomeado mellor xuiz novel nacional no ano 2015.
Xunto as nomeadas, forman parte da RFEA para o periodo 2021-2024 as comisiones de Atletas, Atletismo Máster, Adestradores, Muller e Atletismo, e de Organizadores.
