Marta Tudanca deixa o Durán Maquinaria Ensino. A deportista de Vitoria comunicaba á xunta directiva do club lucense a súa intención de saír da entidade á procura de máis minutos de xogo dentro da cancha.
O club e a xogadora rescinden de mutuo acordo o contrato da alero neste final do mes de Outubro. Desde o Durán Maquinaria Ensino agradecen “o traballo de Marta e desexámoslle a mellor da sorte”.
Marta Tudanca chegou ao Ensino tras completar unha notable campaña en LF2 en no Universitario Ferrol, onde disputou 21 encontros cunha media de 25 minutos por partido e 12,8 puntos por partido.
