Faltan oito xornadas para que remate a Liga Feminina 2. Esta fin de semana, dous dos catro equipos galegos enfróntanse entre eles: o Baxi Ferrol e o A.D. Cortegada. A cita será no pavillón da Malata o domingo 23 de febreiro, ás 12.00 horas. Antes do acontecemento, a redacción de As Nosas descolgou o teléfono para poñerse en contacto cunha das xogadoras do equipo da cidade departamental que está facendo numerazos, Marta Tudanca.
Desde os 16 años, leva xogando en competicións da Federación Española de Baloncesto, sendo o seu primeiro equipo, o Segle XXI. Dous anos máis tarde chegou ó Universitario de Ferrol, no 2008. Tamén estivo no Bembibre, o Al-Qázeres de Extremadura, o Campus Promete e o R.P.K Araski, sendo o seu último de equipo antes de chegar novamente a Ferrol por terceira vez.
– As Nosas: En total levas catorce anos competindo nas ligas da FEB entre a Liga 1 e a 2. Crees que existe unha evolución no baloncesto feminino con respecto ao masculino desde cando comenzaches ti ata agora?
Marta Tudanca: Sempre existiu unha diferenza moi grande entre o masculino e o femenino. Ao final o baloncesto dos homes sí que é verdade que é un xogo máis físico, incluso un pouco máis rápido e o feminino é moito máis táctico, no que se miran máis os detalles. Pero bueno, dentro do baloncesto feminino foi evolucionando e agora trabállase moito a parte física grazas ao preparadores físicos na parte que toca.
– As Nosas: Coa maioría de idade chegaches por pirmeira vez ao Baxi Ferrol. Que ten este equipo para que volveras en dúas ocasións máis?
Marta Tudanca: Ferrol para mín é a miña segunda familia. É a miña casa, o lugar a onde fun con 18 anos. Foi o equipo que apostou por min cando saín do Siglo XXI. Penso que neste equipo pasei un tempo moi feliz e agora tamén.
Quería agradecer e devolver toda esa confianza e agarimo que recibín dalgún xeito, dándoo todo e devolvendo a Ferrol a onde creo que se merece, que é á Liga 1. A eso vin, a dalo todo para aportar o meu xogo, o meu grao de area para que este equipo estea na máxima categoría.
– As Nosas: Ultimamente estás que te sales. Eres a máxima anotadora nos últimos partidos. En moitas ocasións compártelo coas túas compañeiras. Pero, cal é a fórmula de Marta Tudanca?
Marta Tudanca: Estos últimos partidos xoguei moi ben pero tamén é grazas a confianza que pon en min Lino López, as xogadoras e sobre todo ser fiel a min mesma como aos meus valores e traballar cada día, a non deixar nunca de confiar en mín.
Crer no baloncesto que levo dentro, e sobre todo intentar dalo todo cada día a día, en cada partido, é polo que estou aquí. Agora mesmo é o momento, porque estamos chegando á recta final desta segunda volta. Céntrome en facer o mellor que sei para que o equipo gañe, estar na fase de ascenso, onde hai que estar concentrada, e que o club volva á Liga Feminina 1.
Marta Tudanca (Baxi Ferrol): “Calquera rival pódeche ganar nesta Liga”
– As Nosas: Primeira xornada para vosoutras desta segunda volta que vivides un duelo galego. Xogades o domingo contra o Cortegada. Que é o que máis temedes do rival?
Marta Tudanca: Cada partido é importante nesta Liga. Nos centramos máis en nosoutras, no noso xogo e no que temos que seguir mellorando. É verdade que coñecemos as xogadoras do Cortegada pero centrámonos no que temos que facer como equipo. En que cada unha de nós ten que seguir mellorando e evolucionando para coller boas sensacións e tratar de vencer o domingo que volvemos a disputar na casa despois de varios encontros fóra.
– As Nosas: As de Vilagarcía de Arousa son duodécimas na clasificación e levan seis derrotas nos últimos partidos. É un conxunto forte?
Marta Tudanca: Calquera rival pódeche ganar nesta Liga. Pódese demostrar en varios partidos como Barakaldo gañou ao Celta e ao Leganés. Calquera equipo pode dar unha sorpresa ao final. Non por estar arriba imos a gañar a un equipo que está por baixo.
Ao final, os partidos hai que xogalos e sabemos da importancia de cada un. Seguir facendo o noso traballo, estando concentradas, e afrontar cada encontro como se fose unha final. Sobre todo seguir mellorando individual e colectivamente.
– As Nosas: Volvedes a Malata. O factor cancha fará eco para que o partido quede en Ferrol?
Marta Tudanca: O apoio da nosa afección é moi bo e importante. De feito, cada vez está vindo máis xente e nese sentimos si que o notamos. Ogallá siga vindo moita máis pero bueno ao final xogar na casa sempre é un plus. Pero xa che digo, concentradas e contentas de xogar en casa e facelo ben.
– As Nosas: Estades de novo na segunda plaza da táboa da Liga Feminina 2, a dous puntos do Movistar Estudiantes. A fase de ascenso está na vosa cabeza?
Marta Tudanca:É verdade que é un obxectivo noso o de clasificarse nunha fase de ascenso, pero bueno, aínda quedan varios partidos. Non hai nada escrito, como se di. Afrontamos cada partido como unha final, intentando mellorar para chegar da mellor maneira posible a esa fase. Pero bueno, aínda non hai nada matematicamente pechado. Dámoslle importancia a cada encontro, e concentradas no noso.
