A Xunta Directiva do Durán Maquinaria Ensino comunicou esta mesma mañá o acordo con Marta Tudanca (Vitoria; 10/04/1990), que regresa á Liga Feminina tras o seu paso polo Baxi Ferrol de LF2. Marta coñece a Liga Feminina dabondo, xa que conta con experiencia en Bembibre, Promete, Araski e Ao Qazeres.
Tudanca chega ao Ensino tras completar unha notable campaña en LF2 en Ferrol, onde disputou 21 encontros cunha media de 25 minutos por partido e 12,8 puntos por partido.
A xogadora gasteiztarra destaca notablemente pola súa faceta reboteadora e ademais é capaz de roubar e asistir de igual maneira grazas á súa visión de xogo.
