Marta Figueiredo seguirá co Ourense Envialia unha tempada máis. A futbolista renova co club que xa é a súa casa con moita ilusión en medio do proceso da recuperación da súa lesión.
“Encántame o equipo. Estou moi ilusionada e con ganas de recuperarme para sumar desde dentro e desfrutar coas miñas compañeiras todo o que non puidemos facer o ano pasado. O xeonllo vai moi ben nos seus prazos e con moitísimo traballo. Empezar a correr dálle outra cor. O meu xeonllo é a miña maior prioridade e estou traballando para volver da mellor maneira”, asegurou a xogadora.
Desexos de Marta Figueiredo para a vindeira tempada
Figueiredo agarda para a próxima tempada que “non haxa máis lesións”. Así mesmo, espera “desfrutar, espero iso e sei que con iso, o resto virá só. Quero volver a desfrutar das miñas compañeiras despois dun ano tan duro emocionalmente. Centrareime de pleno na miña recuperación para volver da mellor maneira e axudar ao meu equipo e a desfrutar(nos)”.
A futbolista está encantada co plantel do curso 21/22: “Creo que o fútbol sala débenos unha e o estaré esperando cos brazos abertos. Encántanme as novas incorporacións e veñen con moita ilusión e ambición e debo recoñecer que me fai especial ilusión a incorporación de Nere, ao fin está no lugar que debería estar hai tempo, primeira división. Vai aportar moito ao equipo”.
Nesta liña, a xogadora do Ourense Envialia ten claro que o importante é “ser equipo, con todo o que supón, que cada parte teñamos o compromiso de traballar cada día para estar na nosa mellor versión, sempre ao servizo do equipo”.
Desde o propio club resaltan o “corazón, ilusión, compromiso, traballo, alegría” de Figueiredo, e aseguran que “unha tempada máis poderemos desfrutar desta grandísima xogadora que sen ningunha dúbida calquera club querría ter nas súas filas. Unha das máis completas da liga que acompaña coa súa personalidade e carisma que a fan moi importante para todxs”.
Baixas no equipo
No apartado das baixas, Bego non seguirá co Ourense Envialia. A xogadora, unha das responsables da creación do club, tal e como afirman desde o equipo, tomarase un descanso do futsal e non seguirá vinculada á entidade.
BAJA // 1DIV // BEGO (@10begocar) , UNA DE LAS “CULPABLES” DE LA CREACIÓN DE ESTE CLUB SE TOMA UN DESCANSO
¡TE ESTAREMOS ESPERANDO! #ourensEnvialia #ubuntu #imosOlio #morraOconto #libresParaSer #hastaElUltimoAliento #fsf #futsal pic.twitter.com/qFjlsUkdo7
— Ourense Envialia FSF (@OUenvialiaFSF) August 5, 2021
Tampouco seguirá co club Cris, fisio do equipo, que deixa de formar parte do equipo do Envialia.
BAJA // 1DIV // CRIS (NUESTRA FISIO) DEJA DE FORMAR PARTE DE NUESTRO CLUB DE UNA GRAN LABOR DURANTE MUCHAS TEMPORADAS
¡Te deseamos lo mejor! ¡UN INMENSO GRACIAS!#ourensEnvialia #ubuntu #imosOlio #morraOconto #libresParaSer #hastaElUltimoAliento #fsf #futsal pic.twitter.com/evTBZ0C84U
— Ourense Envialia FSF (@OUenvialiaFSF) August 4, 2021
