O parte médico de Marta Figueiredo non trouxo boas novas para o seu xeonllo. Á futbolista do Ourense Envialia diagnosticóuselle unha rotura do ligamento cruzado anterior (LCA) e menisco externo, polo que causa baixa para o resto da tempada.
O club ourensá trasladaba hoxe que Marta Figueiredo padece unha das lesións máis recurrentes, pero tamén das máis graves que se dan nas deportistas: rotura do ligamento cruzado anterior (LCA) e menisco externo. Desde as súas redes sociais, o Ourense Envialia trasladáballe á futbolista apoio sinalando que “todxs estaremos ao seu lado neste camiño para que ese sorrisno non se borre da túa facina. Non temos ningunha dúbida de que volverá mellor do que se foi. Ánimo, xuntxs imolo superar!”.
PARTE MÉDICO // MARTA FIGUEIREDO SUFRE UNA ROTURA DEL LCA Y MENISCO EXTERNO
Todxs estaremos a su lado en este camino para que esa sonrisa no se borre de su rostro y no tenemos ninguna duda de que volverá mejor de lo que se fue
¡Ánimo, juntxs lo superaremos!#undiamasundiamenos pic.twitter.com/JdLH13cEy0
— Ourense Envialia FSF (@OUenvialiaFSF) March 24, 2021
Marta Figueiredo é un dos alicerces do Ourense Envialia, e a súa ausencia seguramente será acusada no bloque que adestra Morenín. En breve as galegas empezarán o seu concurso na segunda fase da competición onde loitarán polo título de Liga na máxima categoría do FutSal estatal, a Primeira División do Fútbol Sala Feminino da RFEF, unha pugna na que tamén están Pescados Rubén Burela e Poio Pescamar.
A de Figueiredo non é a primeira lesión grave deste curso no Envialia
O equipo ourensá estivo castigado este ano polas lesións. De feito a de Marta Figueiredo non é a única coa que actualmente conta Morenín para preparar a fase final da competición. No dique seco está tamén Andrea Feijoo, que pacece unha rotura do ligamento cruzado anterior, do menisco interno e tamén unha escordadura do ligamento lateral interno.
O Ourense Envialia acaba de recuperar hai nada a Sara Moreno, que tamén estivo lesionada boa parte da competición por mor dunha rotura de ligamento no xeonllo.
É a irregularidade competitiva un factor de risco nas lesións?
