Marta Casanova do ADAS Proinor proclamouse campioa de Galicia absoluta de Campo a través. A xornada deportiva acolleuna o fermoso circuíto do paseo da Xuvia ubicado Concello de Narón. As importantes ausencias rexistradas tanto por parte de Paula Mayobre como Antonio Serrat (gañadores do ano pasado) non restarían competitividade a unhas probas absolutas que contaron con moita emoción. Alex Fernández do Ourense Atletismo, foi o campión de Galicia absoluto na proba masculina.
Na categoría absoluta feminina, o plantexamento da proba foi completamete distinto, xa que boa parte da mesma iría transcorrendo cun grupo de cabeza compacto formado polas principais favoritas, entre as que se atopaban a Sub23 Laura Santos (Lucus C.R.G.), Leticia Fernández (Valencia A.) Sandra Mosquera e Marta Casanova do (ADAS Proinor), Angela González (A.D.Marathon) e a venezolana Edymar Brea.
Así se fixo con triunfo Marta Casanova
Co paso das kilómetros, iríanse caendo dese grupo de cabeza todas as integrantes, e onde tan só Edymar Brea e Marta Casanova quedaron na loita pola primera posición que finalmente correspondería a venezolana malia que o título de campioa galega foi para a atleta do ADAS Proinor quen regresa ó atletismo galego logo duns anos por Asturias. Angela González chegaría a sete segundos da campioa galega ocupando o terceiro lugar. Leticia Fernández faría unha intelixente carreira onde iría de menos a máis.
Nos homes recital de Alex Fernández quen domiñaría destacadamente a súa carreira. O forte ritmo imposto dende o principio polo ourensá, foi tan só seguido nos primeiros intres polo subcampión de España de Maratón e prata o ano pasado Manuel Hurtado da Gimnástica de Pontevedra, que tería que ceder ante o gran momento de forma do gañador.
O bronce foi para Alejo Ares, quen entraría por diante dun grupo importante formado por Carlos Porto (Gimnástica), Iván Roade (ADAS Proinor) e Rubén Diz (Ourense Atletismo). Con este título, o novo campión galego suma xa tres campionatos si engadimos os dos anos 2015 e 2016.
Vencen Laura Santos na Sub 23 e Lucía Sicre na Sub 20
Os primeiros clasificados na categoría Sub 23 foron Laura Santos na feminina e na masculina Iván Puentes, do Narón. No resto de categorías, a internacional Lucía Sicre (RIA Ferrol) impúxose na Sub 20. Entrou na meta diante de Paula de la Torre da Gimnástica e de Miriam Tojeiro do RIA Ferrol, nunha proba case que disputada o sprint.
Na categoría masculina Sub 23 o principal favorito, El Mehdi el Nabaoui do Narón, gañaría a carreira, malia que pola súa condición de extranxeiro o título foi parar ó seu compañeiro de equipo Jorge González que sería escoltado tanto por Esteban Basanta da Atlética Lucense, como por Iago Jopia do Coruña Comarca.
No que atinxe á clasificación por clubs na Sub 20 homes, título para o equipo local do Atletismo Narón, correspondendo á Gimnastica de Pontevedra en homes e o ADAS Proinor en mulleres o campionato na categoría Absoluta e Sub 23.
Xa por último importante éxito tanto de inscritos/as como de organización o que contaría a primeira edición do I Gran Premio de Campo a través Cidade de Narón que repartiría importantes premios entre as gañadoras e os gañadores. A lista de resultados pódese consultar nesta ligazon.
